Gleðifregn!

Lengi er von á einum Stórmeistara, en loksins birtist hann!
Héðni var á sínum tíma spáð glæstum frama er hann 11 eða 12 ára varð heimsmeistari barna í skák. Framin varð hins vegar kannski ekki eins skjótur og mikill og vonast var eftir, en nú hefur drengurinn náð þessum helsta áfanga í skákinni. Þetta er því sannkölluð GLEÐIFREGN!
Bætist hann þar með í glæstan flokk íslenskra skákmanna og merkilegra margra sem náð hafa þessum titli og ef mér skjátlast ekki er Héðin TÍUNDI skákmaðurinn sem nær þessu!?
Hinir eru:
Friðrik Ólafsson, Guðmundur Sigurjónsson, Jóhann Hjartarsson, Helgi Ólafsson, Jón Loftur Árnason, Margeir Pétursson, Þröstur Þórhallsson, Hannes Hlífar Stefánsson, og Helgi Áss Grétarsson! Stefán Kristjánsson gæti þó líka verið við þröskuldinn, eða jafnvel komin yfir?

Héðinn tryggði sér stórmeistaratitil

Athugasemdir

[Benedikt (IP-tala skráð) 5.8.2007 kl. 20:50]

Hvað með hinn rammíslenska Bobby Fischer?  Verður ekki að staðsetja hann einhvers staðar í þessari upptalningu?

[Magnús Geir Guðmundsson, 5.8.2007 kl. 21:29]

Nei, ekki frekar en aðra innflutta en auðvitað ágæta fulltrúa í skákinni, er að tala um uppalda íslenska skákmenn.

[ónefndur (IP-tala skráð) 5.8.2007 kl. 23:25]

Af hverju ekki Bobby? Við höfum nú notað okkur ríkisborgararéttinn á sviði handaboltans til dæmis. Þar má marga upp telja og jafnvel í körfuboltanum líka.

[Magnús Geir Guðmundsson, 6.8.2007 kl. 02:46]

Hann teflir ekki lengur kappskák, punktur og basta og ekki meir um það að segja!

[Benedikt (IP-tala skráð) 6.8.2007 kl. 11:58]

Friðrik, Guðmundur og Margeir tefla nú ekki margar kappskákir nú til dags.  Viltu fjarlægja þá af listanum líka?