Málmpönksperla úr safninu!

Innan um frægðargoð á borð við Iggy Pop og Stooges, ramones, New York Dolls og fleiri, þrifust og störfuðu líka mörg önnur pönk og rokkfyrirbæri,s sem kannski urðu ekki eins fræg en voru litlu síðri!
sveitir eins og Misfits, Black Flag og Dictators! Sú síðasttalda skartaði m.a. leiðtoganum Dick Manitoba og svo gítarleikaranum Ross The Boss, sem síðar gerði garðin frægan í hinni makalausu málmgrúppu, Manowar!
Árið 1990 endurnýjuðu Manitoba og Ross hins vegar gömul kynni, á hreint afspyrnugóðri plötu, sem kallaðist ...And You? verkefnið bar áfram nafn söngvarans Manitoba, en nú Manitoba ´s Wild Kingdom.
Þessa skífu hef ég átt í ein 16 ár og er skemmst frá að segja, að enn dreg ég hana reglulega fram og nú síðast í kvöld!
Nær stanslaus málmpönkskeyrsla út í gegn, alveg yndiusleg svo maður situr bara eftir þreyttur og sveittur, en óendanlega hamingjusamur!
Og ég er og var ekki einn um gleðina! Fékk á sínum tíma fullt hús hjá ÖLLUM dómurum í Metal Hammer og fullt hús í harðrokksbiblíunni Kerrang!
Aðeins eitt lagana slær eitthvað af keyrslunni, New York, New York eftir meistara Iggy Pop!
Ein af perlunum í safninu mínu!

Athugasemdir

[Ragga (IP-tala skráð) 26.7.2007 kl. 23:31]

Áhugavert, eitthvað sem ég verð að kíkja á greinilega.

[Magnús Geir Guðmundsson, 26.7.2007 kl. 23:56]

Halló, Ragga hin rauða!

Kom út á merki MCA, gæti því sem visast verið til á Amazon. En ef ekki, þá má kannski bjarga því öðruvísi!?

[Ragga (IP-tala skráð) 27.7.2007 kl. 00:23]

Töff!

[Magnús Geir Guðmundsson, 27.7.2007 kl. 10:34]

Og eiginlega "Röff" líka í tilfelli Dicks! Segir til!

[Björn Jónson (IP-tala skráð) 27.7.2007 kl. 11:51]

Lagið New York, New York er ekki eftir Iggy Pop heldur er þarna um endurgerð á gömlu Dictators lagi að ræða svo því sé haldið til haga. Annars til hamingju meða síðuna.

[Magnús Geir Guðmundsson, 27.7.2007 kl. 20:23]

Neinei, hver er ekki skriðin fram úr skúmaskoti sínu, en gamli félaginn, sjálfur Bubbinn! Greinilega frískur og ferskur eftir sólböð og sveitaveru? Og með vísifingurinn á lofti til að pota í mig!

Iggy skarfurinn er nú samt bendlaður við þetta lag, frekar en I Want You Tonight, en kannski var það bara textinn!? Man það ekki gjörla gamli minn, en skiptir mig ákfalega litlu!

Mundu svo bara hver gaf þér eintak af henni, var ekki flutt hingað inn, keyhpt í USA fyrir mig!

En þú bara hress og kátur vænti ég og leið aftur í bloggið?

Takk fyrir kveðjuna, léleg síða reyndar, en ótrúlega mikið lesin!

[Jens Guð, 29.7.2007 kl. 01:35]

  Þetta er verkefni sem ég þarf að tékka á.  Ég þekki bærilega Misfits og Black Flag en þarf greinilega að tékka Dictators.