Margir kallaðir!

Já, ekki er hinu mjög svo spennandi Opna breska meistaramóti lokið, fyrr en annað mjög svo spennandi mót sömuleiðis, er rétt handan við hornið!
Birgir Leifur fer örugglega nærri um, að sjaldan eða aldrei hafi mótið verið eins sterkt og nánast ómögulegt að spá um úrslitin!
Auðvitað hægt að benda á hann sjálfan strax, enda tvímælalaust okkar sterkasti kylfingur, eins og staða hans gefur til kynna og forgjöf, rúmlega -3!
En það eru bara fleiri sem eru ekki langt undan!
Ég er allavega viss um að til dæmis Íslandsmeistarinn frá því í fyrra, Sigmundur Einar Másson, Siggi Palli, Sigurpáll Geir Sveinsson, Heiðar Davíð Bragason, Ólafur Már Sigurðsson og Magnús Lárusson, svo ég nefni bara nokkra í fljótheitum, ætla sér fyrirfram ekkert nema sigur, sömuleiðis sem Örn Ævar Hartarsson, Ottó Sigurðsson, Haraldur Heimisson o.sl. ætla sér líka stóra hluti!
SVo má heldur ekki gleyma "Gömlum kempum" á borð við Úlfar Jons, Sigurjón Arnarson, Helga Birki Þórisson og Björgvin Sigurbergsson, sem allir gætu sýnt takta á góðum degi, þó kannski svona fyrirfram sé ólíklegt að þeir haldi dampi fjóra hringi!?
Sjálfur horfi ég auðvitað með hæfilegri spennu, en þó kannski meira af tilhlökkun til fulltrúa fjölskyldunnar, (þeirrar MIKLU golffjölskyldu!) í Íslandsmótinu, Ingvars Karls bróðursonar míns, sem án efa ætlar ekki að láta sitt eftir liggja og gæti kannski ef vel gengur orðið ofarlega!
Topp 20 yrði án efa mjög góður árangur hjá honum, en hann gæti líka alveg endað ofar, sem yrði frábært!Fylgist auðvitað líka vel með vini kappans, Finni Bersa, hann gæti vel endað ofarlega líka!
Svo verður fróðlegt að sjá hvort nýji ungi meistarinn, Björn Guðmundsson, heldur áfram að bæta sig, mjög efnilegur víst sá strákur!
En semsagt, önnur veisla framundan þar sem margir eru kallaðir, en fáir útvaldir!

Birgir Leifur: „Eitt sterkasta Íslandsmót frá upphafi“

Athugasemdir

[Hanna Sesselja Hálfdanardóttir (IP-tala skráð) 25.7.2007 kl. 09:45]

svo er líka Alfreð Brynjar Kristinsson sem vann fyrsta Kaupþingsmótið. Hann á mikið inni, er bara búinn að vera veikur á síðustu 2 mótum.

Þetta á eftir að vera spennandi mót ;)

[Magnús Geir Guðmundsson, 25.7.2007 kl. 13:25]

Sæl Hanna Sesselja!

Já, það er alveg rétt hjá þér, að Alfreð Brynjar getur blandað sér í baráttuna og örugglega enn fleiri sem ég þó ekki nefndi. Og já, væntanlega verður þetta skemmtilegt og spennandi.

[Magnús Geir Guðmundsson, 25.7.2007 kl. 22:21]

Í kvennaflokknum verður svo vonandi hörð keppni líka, þó fyrirfram verði að segjast, að fyrirsjáanlegt er nokkuð hvaða þrjár til fjórar muni berjast um titilinn! Það eru þær sömu væntanlega og síðasta ár, Ragnhildur Sigurðar, Nína Björk Geirsdóttir, Tinna Jóhannsdóttir og svo sú sem er ríkjandi Íslandsmeistari, Helena Árnadóttir!