Margþætt tilfinningamál!

Þessi niðurstaða kemur svosem ekki á óvart!Hún er bein eða óbein afleiðing meiriháttar flumbrugangs í stjórnun íþróttamála í bænum, þar sem völlurinn hefur fram og til baka verið í brennnidepli!
Er eiginlega búin að gleyma því hversu lengi þessi mál hafa verið að vandræðast fyrir yfirvöldum í bænum, allavega þó 5 til 7 ár aftur í tímann!
Það er vissulega rétt hjá Fúsa formanni, að þetta er ekki gott mál eins og það lítur út núna, Landsmótshald 2009 hugsanlega í uppnámi með tilheyrandi álitshnekki fyrir bæinn, en ég veit satt best að segja ekki hvort mönnum sé mikil vorkun, með þó ekki væri nema örlitlum skerf af ákveðni og festu, hefði verið hægt fyrir löngu að byggja upp frjálsíþróttaaðstöðu með skynsemi og jöfnun kosnaðar yfir nokkur ár, t.d. innar í firði eða með því að vinna land á Gleráreyrum. (síðartalda svæðið verið hugsað sem land undir íþróttir svo árum og áratugum skiptir!) menn væru ekki í þessum endalausa vandræðagangi með þetta, ef svo hefði verið! Auðvitað er það ekki á valdsviði félagsmanna í Þór sem slíkra, að ákveða endanlega um afdrif vallarins, en ég get ekki ímyndað mér annað, en þessi samþykkt á föstudaginn gæti allavega haft þau áhrif enn um sinn að völlurinn verði ekki aflagður!? Þórsarar, þar er ég meðtalin, hafa nefnilega miklar tilfinningar til vallarins og þá ekki bara vegna þess að hann er sá langbesti í landinu sem slíkur, heldur vegna þess líka, að þetta svæði er fallegt og eitt af einkennum bæjarins! Og ég vil leyfa mér að halda því fram, að slík rök eigi núorðið jafnmikið rétt á sér sem hin efnahagslegu!
26 milljónir fyrir landið finnst svo mörgum lítið, veit ekki, en til framtíðar er það kannski ekki mikið!
Fleiri atriði væri hægt að nefna sem mér finnst og hefur fundist orka tvímælis, t.d. yfir höfuð að staðsetningin hérna við Skarðshlíðina, á fyrir ekki svo löngu gömlum túnum, hefur ekki reynst vel og raunar hörmulega hað fótboltayðkunina varðar. En að lokum, óvissa er um framhaldið, nema að bæjaryfirvöld taki nú á sig rögg og byggi upp góða séraðstöðu fyrir Landsmótið 2009!

Þórsarar hafna samkomulaginu við Akureyrarbæ

Athugasemdir

[Ingvar Valgeirsson, 16.7.2007 kl. 18:04]

Hverig væri bara að bæjaryfirvöld á Akureyri sem og annarsstaðar tækju sig til í andlitinu, hættu þessu bévítans sérhagsmunapoti og leggðu af styrki til íþróttafélaga í eitt skiptið fyrir öll. Lítið réttlæti í að láta almenning borga fyrir áhugamál annara, ekki satt?

Hver er annars kostnaðurinn við þessa vitleysu - byggja upp séraðstöðu fyrir Landsmótið 2009 - væri ekki nær að styrkja löggæslu, heilbrigðiskerfi og menntakerfi og láta fólk sjálft borga fyrir hobbíið sitt?

[Magnús Geir Guðmundsson, 16.7.2007 kl. 20:21]

Haha, alltaf jafn hress og kátur Ingvar og með kjaftinn opin!

En þetta er nú sjónarmið út af fyrir sig hjá þér, nema hvað að grundvallarþættina sem þú nefnir, greiðir þú með sköttunum þínum að langmestu leiti, þ.e. lög- og heilsugæsluna, auk þess sem menntakerfið er ekki nema að hluta á vegum sveitarfélaganna, leikskólastígið og svo grunnskólin til skamms tíma. En með spurninguna, þá er hún dálítið erfið, þekki nefnilega engan bæ né stjórnmálasamtök í þeim, sem ekki setja pening úr sínum sjóðum í íþróttamannvirki!Man ekkert hver upphæðin á að vera, enda oftast ekkert að marka þær þegar þeim er slegið fram með svo löngum fyrirvara sem hérna er. En þetta er ekki bara fyrir þetta Landsmót, heldur eiga þessi mannvirki að vera til framtíðar fyrir frjálsíþróttastarf í bænum. Hvað finnst þér annars um tónlistarhúsdæmið/menningarhúsið, rúmur milljarður á að fara í það frá bænum á móti framlagi ríkisins! Hvernig líst þér á það "hobbý" allt saman!?

[Ingvar Valgeirsson, 17.7.2007 kl. 11:37]

Illa.