Kannski fleiri krónur handa Mútter, en...?

Já, svei mér ef þetta þýðir ekki nokkra fleiri þúsundkalla í veski móður vorrar en hingað til hefur verið! Skal þó ekki fullyrða það alveg, finnst nú sumt í fréttinni stangast hreinlega á! Allavega er eitthvað bogið við það finnst mér, ef maður yfir sjötugt sem hefur um þrjár millur í eftirlaun á ári og engar bætur frá TR, skuli eftir þessar breytingar fá 126 þúsund!? Veit ekki alveg hversu miklu réttlæti er fullnægt með þessu, viðkomandi hækkar í 376 þúsund á mánuði, en í fréttinnni segir líka að tekjuaukin verði aldrei meiri en sem nemur 126 þúsundum á ári!? Gæti þó bara verið misritun?
En semsagt, ef viðkomandi eftirlaunaþegi, sem dæmi er tekið um, þyggur slíkar greiðslur, skilgreindar sem tekjur, þá virðist hann fá þessa tekjuaukningu, gríðarlega miklu og þótt hann sé ef til vill hinn hressasti, gæti sem best unnið áfram, hafi jafnvel hugsað sér það fyrir nokkru, þá hættir hann áreiðanlega við það í dag! Get allavega ekki ímyndað mér að þetta hvetji einstaklinga orðna sjötuga en með góða heilsu, til að byrja að vinna aftur ef þeir hafa haft það í huga, sumir hætta kannski bara sem eru núna að vinna einhverja litla vinnu, en sem ekki gefur jafn mikið í vasan!
Greinilega hægt að sjá margar hliðar á þessu, en vonandi verður þetta einhverjum af þeim sem í hlut eiga og telja sig nógu hressa, hvatning til að leita vinnu aftur! Víða væru slíkir vinnukraftar líka vel þegnir sem kunnugt er, t.d. á heilsu- og ummönunarstofnunum.

Um 5.000 manns fá hærri bætur