Tarantula!

Nýja lagið frá Smashing Pumpkins rokkar aldeilis, Corghan og Co. gefa þarna aldeilis góð fyrirheit um nýju plötuna!
Rokkunnendur, hafið augu og eyru hjá ykkur!

Athugasemdir

[Jens Guð, 13.6.2007 kl. 21:05]

  Ég tek undir það að lagið er skemmtilega hressandi.  Lofar góðu.  Vestur-íslenskur frændi minn er æskufélagi manns sem er í slagtogi við lið eins og liðsmenn Smashing Pumpkins,  Foo Fighters,  REM og þetta lið.  Hann hefur samið slatta af lögum fyrir hljómsveitir í þessari senu.  Mest fyrir hljómsveitina Hole.  Viðkomandi segir Corgan vera skaðaðan af dópneyslu.  Sé létt ruglaður. 

[Magnús Geir Guðmundsson, 14.6.2007 kl. 00:18]

Blessaður Jens og takk fyrir fyrstu athugasendina!

Já, Billy Karlinn hefur víst marga fjöruna sopið á þó ekki langri ævi og marga óværuna etið haha!

Hann virtist þó í kringum útgáfuna á Adore fyrir tæpum áratug, vera að gera upp fortíðina m.a. við móður sína er þá var ný fallin frá minnir mig og vera að taka frekar til í lífi sínu. Veit svosem ekki mikið um ganginn hjá honum síðan á persónulega sviðinu, en hann hefur alla tíð þótt erfiður, vægt tekið til orða! Hygg ég að það segi mest alla söguna, að frú Sharon Osbourne, sem umborið hefur karl sinn Ozzy í gegn um ótrúlegustu raunir, gafst upp eftir örstuttan tíma að gegna umboðsmannstörfum fyrir hann og Co.!

Hvað segirðu annars, búin að brenna nýju plötuna hans Teits?