Og hún má líka aldeilis vera það!

SEm vinstri útherji er auðvitað frábært hve Hólmfríður er marksækin og drjúg við að skora, gerði 19 í deildinni í ár ef ég man rétt og fékk bronsskóin ásamt stöllu sinni í KR, Hrefnu J'ohannesdóttur. Margrét Lára varð auðvitað markadrottning enn eitt árið, en silfurskóin fékk án efa efnilegasta og sú er eiginlega stal senunni á Íslandsmótinu í ár, Rakel Hönnudóttir héðan úr Þór-Ka!
Valur hafði já að sönnu betur við KR í baráttunni um titilinn, en eiginlega sannaðist í dag að KR er sterkara liðið í dag. En að því er auðvitað ekki spurt, Valur hélt haus betur og vann því mótið. Hins vegar verður það aðdáendum Vals lengi til skammar hvernig þeir höguðu sér í fyrri leik þessara liða í sumar í Íslandsmótinu, þar sem einmitt Hólmfríður Magnúsdóttir mátti þola mjög óíþróttamannlega framkomu að þeirra hálfu og það meira að segja af fulltrúm Vals í öðrum íþróttagreinum m.a. handbolta.
En í seinnni leiknum og svo auðvitað ekki hvað síst í dag, svaraði Hólmfríður rækilega fyrir sig, en aðkastið sem hún varð fyrir var auðvitað ekki hvað síst vegna óánægju Valsmanna og öfundar frá sl. tímabili, er hún var kjörin knattspyrnukona ársins og þannig tekin fram yfir margréti Láru!
Verður nú mjög fróðlegt að sjá hver hreppir hnossið í ár, spurning hvort Dóra í Val sé ekki einnig heit, allavega var hún mjög áberandi, en einnig gæti Rakel alveg eins komið sterklega til greina!?

Hólmfríður: Stolt og ánægð

Athugasemdir

[Helga Kristjánsdóttir, 21.9.2008 kl. 01:15]

Hólmfríður er hörkufótboltakona sá hana í landsleik í sumar og hreifst af henni,þetta var gott hjá henni í dag,til lukku,Blikakona.

[Halldór Jóhannsson, 21.9.2008 kl. 01:30]

Því miður sá ég ekki leikinn.En er ánægður að KR vann.Nú fagna þær í kvöld,samt ekki mikið í glasi.Vona að allar hafi komið heilar úr leiknum.Strax á morgun væntanlega byrjar Siggi Raggi undirbúning með leikmönnum sínum fyrir STÓRA leikinn við Frakka 27.sept.Verður aldeilis gaman,og vona að það verði góð úrslit fyrir Ísland.Til hamingju KR.Áfram Valur í Evropukeppninni.

[Magnús Geir Guðmundsson, 21.9.2008 kl. 02:33]

Takk kærlega bæði Helga og Halldór!

Leikurinn við Frakka er einfaldlega STÆRSTI leikurinn í sögu íslensks fótbolta í langan tíma, fullyrði ég óhikað!

Yrði algjört æði ef þær næðu nú beint inn í úrslitakeppni EM í Finnlandi á næsta ári!