Landi og þjóð til sóma!

Það hefði verið frábært ef Rögnu hefði tekist að koma leiknum í oddalotu, en heppnin var ekki með.
Framistaðan hins vegar afbragð og nú sem ætíð fyrr var Ragna sannarlega landi og þjóð til mikils sóma!

Ég hef verið mikill aðdáandi hennar um langt árabil og það verður mikil eftirsjá af henni, aðeins 29 ára gamalli. og eftir situr svo í þankanum einn skuggi skammar því miður varðandi hennar feril, það er að hún skuli hafa verið sniðgengin gróflega árið 2007 í kjöri á Íþróttamanni ársins.
Það var engum vafa undirorpið, að Ragna var sá einstaklingur sem staðið hafði upp úr það árið hvað árangur snerti, en vegna kaldhæðni örlaganna og aumingjaháttar íþróttafréttamanna, varð fótboltastúlkan (sannarlega knáa) Margrét Lára Viðarsdóttir fyrir valinu, svo meint rangindi í garð hennar í öðru vali, kynsystra hennar á fótboltakonu sama árs, yrðu nú "leiðrétt?!" (sú sem hlaut nafnbótina það árið var Hólmfríður magnúsdóttir)
Oft hefur þetta kjör nú orkað tvímælis, en þarna tók steininn úr fyrir mína parta og hefði þá strax átt að koma á nýju kjöri í marktækari mynd að hjálfu OL-ÍSÍ, sem nú eftir kjörið síðasta er hneykslaði marga, er víst til ígrundunnar.

En þrátt fyrir þetta stendur Ragna auðvitað keik og er það von mín að henni vegni áfram vel í öllu sem hún tekur sér fyrir hendur!

Ragna leggur spaðann á hilluna

"Ljúft er að láta sig dreyma...!"

Ef Messi, Xafi, Inijesta,Alves og Via, yrðu e.t.v. ekki með Barcelona, þá væru svona smá möguleikar kannski á að þessir draumórar yrðu að veruleika!
En að öllu jöfnu, Barcelona spilar nokkurn vegin sinn leik og pressar og keyrir á vörn MU, þá er líklegast að úrslitin verði svipuð og í kvöld, jafnvel enn stærri sigur spænska undraliðsins?!

Ferguson: Þetta lið getur unnið bikarinn

Ekkert "Manjúmoð" hér!

Ónei, hérna höfðu menn aldeilis efni á að skipta út nær öllu liðinu frá síðasta leik, ögugt við slappa rigningarborgarliðið, sem afrekaði það gegn Rangers, að...

EIGA EKKERT EINASTA SKOT SEM HITTI Á RAMMAN í leiknum hahahaha!

En í kvöld var það blússandi sókn og lipur tilþrif og ljóst að leikurinn um helgina gæti orðið spennandi og skemmtilegur, þar sem að minnsta kosti annað liðið leggur áherslu á að spila vel?!

Ngog með tvö í sigri Liverpool

Reynslan og listfengið sigraði ungliðið!

Þannig var það nú bara, betra liðið sigraði, svo einfalt!
Annaðist þarna enn og aftur, að það skiptir engu hvernig lið hefur "brillerað" og hlotið ómælt lof fyrir, það skiptir bara engu þegar út í svona stórleiki er komið og vitað er með andstæðingin, að hann er á sínum besta degi betri, þó hann hefði kannski ekki sýnt það fram til þessa, eins og raunin var með Evrópumeistarana frá Spáni!

Þeir því óneitanlega sigurstranglegri í úrslitaleiknum gegn Hollandi, en líkt og í kvöld spyrjum við nú samt að leikslokum, ekkert gefið fyrirfram!

Spánn leikur til úrslita

HM - Hátíð í bæ eða "helvítis ergelsi?!"

Stórdagur er runnin upp, Heimsmeistarakeppnin í fótbolta karla að hefjast í S-Afríku, fyrsti leikur heimamanna gegn Mexikó kl. 14 í dag!
Frakkland og Urugvæ mætast svo í kvöld í seinni leik riðilsins!
Alls 64 leikir sem fram fara á um mánuði, allir sýndir beint, 46 á Rúv, 18 á S2sport2.

Gleði er þetta ómæld fyrir tugþúsundir landsmanna og hundruðir milljóna um allan heim, hátíð já í bæ, en sömuleiðis setur margur landin upp skeifu og hreinlega umsnýst af gremju og ergelsi, því til að mynda verða fréttir nú á næstunni alltaf kl. 18 í stað 19, því seinni leikur dagsins er jafnan kl. 18.
Á niðurskurðartímum þykir svo sömuleiðis bara hneyksli að peningum sé eytt í þetta "boltabrölt", en ætli dæmið komi ekki bara út í plús á endanum, styrktaraðilar og auglýsingar lágmarki allavega kosnaðin? Ég held það.

Þeir sem ekki hafa áhuga og láta keppnina svo fara í taugarnar á sér eiga nú samt að eyðilegga ekki fyrir sér sumarið með nöldri, margt hægt að gera án gláps og þeir sem vilja glápa á HM eiga bara að fá að gera það í sæmilegum friði!
En um þessa tvo fyrstu leiki, þá held ég að heimamenn nái jafntefli í það minnsta, en erfiðara er að spá um F og U.Gæti farið á hvorn vegin sem er, en giska á að Frakkarnir hafi þetta með harmkvælum!

Spánn, Brasilía og England eru svo þær þjóðir sem mér finnast langlíklegastar til að vinna keppnina, en Argentina, ríkjandi meistarar Ítalíu, þýskaland, portúgal og Fílabeinsströndin auk kannski Serbiu, eru þjóðir sem líka gætu farið langt.
Það held ég nú!

Auðveldast að mæta Englendingum

Synd að sigra ekki á 95 ára afmælisdeginum!

Íþróttafélagið ÞÓR er 95 ára í dag!
Sigur hjá strákunum hefði því verið kærkomin afmælisgjöf og góður meðbyr fyrir framhaldið eftir leiðinda þjálfaraskipti á dögunum.
Miklir yfirburðir og næg færi, en svona er boltin sem endranær, það verður að nýta færin og Þórsarar hefðu greinilega átt að vera búnir að skora fleiri mörk áður en Skagamönnum tókst að jafna.
En engu að síður, til hamingju með bdaginn Þórsarar!

ÍA og Þór skildu jöfn, 1:1

Skítt!

Jamm og ei er ég mjög bjartsýnn á að mínir menn geti endurtekið leikin frá því í fyrradag, unnið aftur í "Símasalnum" að Hlíðarenda?!
Svo bætir ekki úr skák að sjá þarna eina tvo norðanpilta í liði Vals eiga drjúgan þátt í sigri þeirra og þá sérstaklega Arnór Gunnarsson auðvitað auk Baldvins Þorsteinssonar!
En svona er lífið og maður á aldrei að segja aldrei..!

Valsmenn tryggðu sér oddaleik

Nú rignir tárum!

Svo er nú víst í Regnborginni miklu henni Manchester og ekki undarlegt, ræfilsdeildarbikarinn virðist nú það eina sem fótboltaliðið MU muni bera úr bítum á þessu tímabili eftir þessa framgöngu!

Robben skaut United út úr Meistaradeildinni (myndband)

hjartnæmt á Hollywoodvísu!

Ætli megi ekki orða þetta bara svona:

Tiger á táranna vísu,
telst vilja bæta sitt ráð.
Þó enn er í kynferðiskrísu
og komi vart aftur í bráð?!

Enn óljóst hvenær Tiger snýr aftur

Svakalega svekkjandi!

Óó, annað verður nú ekki sagt um þessi úrslit fyrir Akureyri, liðið átti um tíma möguleika á að ná afgerandi forystu aftur í seinni hálfleik, en klúðraði því og svona fór því um sjóferð þá!

Tjörvi tryggði Haukum sigur