Hugsað aftur til "Bjórþambsdagsins fyrsta" 1. mars, 1989!

Man nú býsna vel eftir þessum "rennblauta" degi!
Eins og nú var töluvert mikið vetrarríki á landinu um mánaðarmótin febrúar, mars.
Og fleira og raunar mun meira spennandi lá í loftinu þessa dagana fyrir unga og spræka menn en að fara brátt að geta hellt í sig bjór, m.a. tvennir stórtónleikar í höfuðborginni sem ég og Heimir félagi minn vorum staðránir í að mæta á. Að kvöldi hins 28. feb. var það engin annar en blúsjöfurinn mikli John Mayall sem mættur var á staðin með sína Bluesbreakerssveit, en kvöldið eftir var það góðkunningi okkar félaganna frá því í Doningtonrokkferð tveimur árum fyrr, Eiki Hauks ásamt sínum norsku kumpánum í Artch, sem áttu leikin.
En því miður, því miður, bölvuð tíðin greip inn í stóru áformin og ekki var nokkur leið að fljúga frá höfuðstaðnum góða í norðri suður yfir heiðar fyrr en 1. mars!
Heimir, sem fyrst og síðast vildi sjá Mayall, hætti því við, en ég vildi ekki gefast upp og flaug suður til að sjá Eika og Co.!
Sá ekki eftir því heldur, alveg ágætir tónleikar þótt aðsóknin hafi nú ekki verið of mikil né þetta bestu tónleikar sem vor augu og eyru höfðu numið.
Nú á eftir rambaði ég svo fínn og frakkaklæddur niður úr Múlunum og þræddi Suðurlandsbrautina allt til Glæsibæjar þar sem sjálfir Dubliners sáu um fjörið á kránni á þessum blauta og satt best að segja daunílla fyrsta bjórdegi nútímans á Íslandi.
Þarna við Glæsibæ hitti ég hina gullfallegu Dúnu, en það er nú allt önnur saga!

Nýr bjór kemur á markað um helgina

Leiðinlegt, en svolítið kaldhæðnislegt líka!

Hundleidist þetta, fylgdist líka lítið með, lögin í sæti eitt og tvö í sínum "Vélarbúningum" jafnómerkileg í mínum huga!
Dr. Spock með lagið hans Dr. Gunna, þó eitthvað sem höfðaði einna mest til mín.
En Friðrik Ómar og Regína Ósk bæði góðir söngvarar auðvitað og ég hef ekkert slæmt um þau að segja. Kannaðist meira að segja nokkuð við móður Friðriks og hún gaf mér meira að segja eina af plötunum hans!
Með regínu er það hins vegar nokkuð kaldhæðnislegt, sem og með snillingin hann Barða sem samdi Mercedeslagið, að hann er nú einmitt maðurinn meira og minna á bakvið tvær síðustu plöturnar hennar Regínu af þremur sem hún hefur sent frá sér undir egin nafni!Í djúpum dal og Ef væri ég, eru nefnilega unnar að miklu leiti af Barða og samdi hann lög fyrir þær!
Sú tónlist allt önnur og miklu betri en þetta "Hæoghóheiglamur"!
Og talandi um "glamur". EF einhver hefur nú ekki þegar leiðrétt, þá er þessi ágæti gamli málsháttur sem Friðrik fór heldur frjálslega með þarna í hita leiksins svona.
"Bylur mest í tómri tunnu"!

Ummæli Friðriks Ómars víða enn til umræðu

Víti til varnaðar, en...

Mjög athyglisvert já og ætti að verða mörgum sorakjaftinum sem veður um á blogginu, víti til varnaðar!
Það er þó að segja, er þeir opna kjaftin til að bölsótast um og yfir mönnum í svipaðri aðstöðu og stefnandin í þessu prófmáli er!
Hann nefnilega sjálfsagt vel efnum búin með stuðning að baki sér til að fara í slíkt mál, nokkuð sem þorri fólks hefur ekki efni á né nennir að standa í.
Upphrópanir og sylgjur munu áfram viðgangast, um það er ég hins vegar viss um, einfaldlega vegna þess að mjög margir bloggarar virðast ekki geta tjáð sig öðruvísi nema blanda persónum viðkomandi er þeir skiptast á skoðunum við, í málflutningin.
Þar á ég þó helst við bloggara sem eru nafnlausir, langflestir hinna eru kurteisari og málefnalegri. Að auki er það svo fólk líka sem ekki bloggar, en er tíðum með nafnlausar athugasendir, sem setur ljótan svip á bloggsamfélagið, þó auðvitað sé hægt að rekja það til viðkomandi ef einvher vill bregðast hart við eins og í þessu dómsma´li.
Í lokin verð ég svo aðeins að víkja yfir á hinn endan ef svo má segja, að mbl.is og ábyrð forráðamanna þess.
Eins og það er nú mikilvægt að halda ljótum og leiðinlegum skrifum í lágmarki, ekki síst persónulegum níðskrifum, þá verður líka að passa upp á að viðkvæmni og yfirdrifin eftirlitshneigð fari ekki að ráða ríkjum.
Þar á ég auðvitað við, að þegar bloggarar tengja skrif sín við fréttir, sé ekki að því er virðist að neinu tilefni tengslin slitin, nema kannski vegna þess að viðbrögðin við skrifunum verða hörð og ef til vill óviðeigandi!
Því varð ég sjálfur fyrir um áramótin, þegar klippt var á litla grein mína um vafasamt og umdeilanlegt val á íþróttamanni ársins 2007!
Þar var alls ekki vegið persónulega að einum né neinum, aðeins bent á með rökum að önnur íþróttakona en sú sem hlaut útnefninguna hefði átt það betur skilið.
Önnur skrif á öðrum bloggsíðum, svo undarlegt sem það var nú, sem og harkaleg orð í athugasendum við mína grein að annara hálfu, urðu hins vegar að öllum líkindum frekar til þess að klippt var á tengslin!
Og kannski viðkvæmni einhverra líka, sem ég þó fullyrði ekki.

Sekur um meiðyrði á bloggi

Einmitt það já!?

Þetta kemur nú svolítið á óvart já!
Á sínum tíma þarna fyrir fjórum eða fimm árum þegar hornamaðurinn smái en knái hætti með liðið, 2003 eða 4, var það önnur vinna minnir mig sem var svo tímafrek, að dæmið gekk ekki lengur upp!
Hann snéri þó aftur og var Alfreð já til aðstoðar á HM.
Guðmundur náði auðvitað á tímabili afbragðsárangri með liðið, fjórða sætinu á EM í SVíþjóð 2001, en svo hallaði undan fæti.
Hefði frekar viljað sjá Viggó, en þýðir lítið að nöldra mikið yfir því, en alveg makalaust auðvitað hvað þetta hefur verið mikið vandræða- og leiðindamál að finna arftaka Alfreðs!

Guðmundur tekur við landsliðinu

Til lukku Spurs!

Þetta var já bara sanngjarn sigur og hefði kannski bara átt að koma í venjulegum leiktíma, Keene og félagar fengu hygg ég mun fleiri og betri færi.
Þetta virðist mér því á öllu, ætla að verða ár Lundúnaliðanna í norðurhlutanum, Arsenal tekur auðvitað titilinn, þó sumir séu eitthvað að reyna að efast um það og svo mun Chelsea nær 99% örugglega taka FA bikarinn fyrst þeir töpuðu í dag!
Nú svo í Meistaradeildinni verður sigurliðið áreiðanlega í rauðum skyrtum og ég held líka rauðum buxum sömuleiðis, spursmálið bara frá hvaða borg!? (og hér er ekki verið að spá í varabúningana, rétt að taka það fram!)
Nú kunna einhverjir örfáir að vera ósammála, vilja kannski til dæmis blanda hvítum buxum í þetta líka og hver veit hvítum skyrtum, en í dag hef ég ekki neina trú á þeim lit! (eins og hann er annars fallegur)

Tottenham deildabikarmeistari í fjórða sinn

Niðurstaða?

Leitt að á sjálfan Konudaginn skuli ein slík, fremst í flokki stærsta flokksins í borginni og landinu öllu, þurfa að standa í svona orðainnihaldsleysu!
Þetta heitir nú bara að sópa vandanum að mestu leiti undir teppið, við blasir að hugsunin var ekki "íllu er best aflokið", heldur "íllu er best skotið á frest"!
Það er nú það eina sem hægt væri nú að kalla niðurstöðu í þessu!

Styður yfirlýsingu Vilhjálms

Aldrei að víkja!?

Hinir miklu fornkappar Íslendingasagnanna líkt og fleiri slíkar úr sögnum annara landa, kusu jafnan frekar dauðan, "að fall með sæmd" frekar en að vægja eða víkja undan! Ætla nú reyndar ekkert að fullyrða að svo hugsi Vilhjálmur blessaður, en óneitanlega virðist manni, ef þetta er rétt í fréttinni, að frekar vilji hann láta aðra koma sér frá ef því verður þá yfir höfuð að skipta, en að hann með sitt stolt víki sjálfur af "vígvellinum"! Kannski munu þá aðrir verða til að kyngja stolti sínu,hinir borgarfulltrúar D listans, ella samþykkja þeir hann ekki áfram sem leiðtoga og verðandi hugsanlegan borgarstjóra á ný eftir ár! Miðað við allt sem á undan var gengið þá hlýtur þetta að vera já, annað hvort eða..! En ekki batnar nú ástandið eða hressist ásýndin, hvor niðurstaðan sem svo verður ofan á!
Þótt svellkaldur svíki og blekki,
að sönnu bíði við hnekki.
Karl er keikur,
vergi smeykur
Nei, Vilhjálmur víkur sko ekki!

Vilhjálmur Þ. Vilhjálmsson víkur ekki

Stólpagripurinn "Stóri Brúnn"!

Já, þetta er nokkuð umhugsunarvert.
Hinn stæðilegi Wes Brown sem lengst af hefur nú verið miðvörður og komst minnir mig í enska landsliðið sem slíkur, hefur í vetur spilað sem hægri bakvörður í forföllum fyrirliðans Gary Neville og víst staðið sig mjög vel.
ER Sörin hann Alex ekki bara að gera mikið úr meintri græðgi hans og/eða umboðsmanns hans, á stólpagripurinn Brúnn ekki bara skilið 50000 pund í vikulaun hjá þessu næstríkasta eða ríkasta félagi heims?
Það er nú spurning, sem og hvort nokkur betri eða sem félli eins vel inn í liðið sé nokkuð auðfundin?
Skal ekki segja, en auðvitað eru fleiri sjðónarmið líka, laun fótboltamanna eru endalaust þrætuepli auk þess sem launaþak eða ekki tíðkast, sem ég man þó ekki heldur hvort séu í gangi núna hjá ríka klúbbnum?
En semsagt ef fer sem horfir þá yfirgefur þessi ágæti leikmaður Old Trafford í sumar og þá er bara spurningin hvert hann fer?
Unitedmenn yrðu mjög "glaðir" ef hann færi til dæmis til Liverpool eða Chelsea ekki satt!?

Brown hafnaði United í þriðja sinn

Tala við Viggó...STRAX!

Þegar ljóst var eftir EM í jánúar, að Alfreð gíslason myndi hætta með landsliðið, kastaði ég fram þeirri ósk minni að viggó Sigurðsson yrði aftur fengin í starfið, einfaldlega það langbesta sem gæti gerst að mínu áliti.
Jafnframt taldi ég það þó ekki líklegt eftir brotthvarf Viggós (2005 eða 6 minnir mig) er hann hætti með heldur leiðinlegum aðdraganda, pressu og fleiru.
En nú þegar viggó gefur í skyn að hann sé aftur til í að þjálfa liðið, Ætti HSÍ ekki að hika eitt andartak, heldur byrja strax já að spjalla við Viggó, líkt og Guðjón Þórðar í fótboltanum er Viggó vissulega ekki barnanna bestur oft á tíðum, en afburðasnjall í sínu starfi, sannur sigurvegari!

Viggó Sigurðsson: Ég myndi tala við HSÍ

Kristján á Skálá!

Kristján árnason bóndi á Skálá, Sléttuhlíð í Skagafirði, einn af afbragðshagyrðingum þessa lands, lést nú í byrjun febrúar.
Hann var hygg ég Borgfirðingur af ætt og uppruna, en bjó á Skálá í um það bil 30 ár og undi þar hag sínum vel.
Kristján varð landsþekktur fyrir kveðskap sinn, alltaf fágaðan og vel gerðan, bæði ljóð og lausavísur. Birtust eftir hann vísur víða í blöðum og öðrum ritum, auk þess sem hann gaf út bækur líka. margverðlaunaður var hann líka fyrir kveðskapinn, sem þjóðin kynntist til dæmis vel í vísnaþáttum útvarpsins fyrir rúmum áratug eða svo, Komdu nú að kveðast á, er Kristján Hreinsson stjórnaði.
Þessi litla vísa kom mér í hug við andlátsfregnina.

Kviðlinga og kvæði já,
Kristján orti slyngur.
Að sönnu þar er fallin frá,
frækin hagyrðingur!