En, enga "Skósmiðstakta" samt, Hr. Jens!

Þessi orð Lehmanns fá mig til að láta hugan reika ein 26 ár aftur í tíman, á HM 1982, er menn voru ekki bara yfirlýsingarglaðir heldur komist upp með nánast allt inni á vellinum!
Atvikið sem rifjast nú upp, er auðvitað hið ótrúlega ljóta brot forvera Lehmanns í þýska markinu, Toni Schumacher,er einfaldlega er ekki hægt að gleyma!
Gerðist það í leik Þjóðverja gegn Frökkum, að hinn afbragðsgóði varnarmaður Patric Battiston, komst einn í gegn og átti aðeins Schumacher eftir til að koma boltanum í markið. Sá þýski gerði sér hins vegar lítið fyrir og óð á fullu skriði út á móti Battiston og stökk síðan á hann með afturendan á undan sér sem lenti af miklu afli á höfði frakkans!
Stórslasaðist hann að vonum og var borin meðvitundarlítill eða laus af velli.
En Toni karlinn glotti bara og fékk ekki einu sinni gult spjald minnir mig!
Með því verra sem sést hefur af slíku á fótboltavelli, en sem betur fer mun þó Battiston hafa náð sér vonum framar vel.
Ætla því rétt að vona að Lehmann taki ekki upp á neinu slíku í hita leiksins, en nóg hefur hann nú stundum látið skapið hlaupa með sig í gönur auk þess þess sem hann eftirminnilega var rekin af velli í úrslitaleik Meistaradeildarinnar 2006 er lið hans Arsenal mætti Barcelona og tapaði í eftirminnilegum leik!

Lehmann reiðubúinn að fórna „lífinu“

Athugasemdir

[Grétar Einarsson og Óskar Ásgeir Ástþórsson , 25.6.2008 kl. 17:20]

Já það ótrúlegt að sjá þetta brot Schumachers á sínum tíma. Það er alltaf svo sorglegt þegar stórkostlegir fótboltamenn gera svona hluti. Schumacher án ef einn besti, ef ekki besti, markvörður síns tíma (enda útilokað að nota frasa eins og "besti ... allra tíma" ekki einu sinni þegar um leikmenn eins og Pelé, Maradonna og Beckenbauer er að ræða. Þeir voru bestu menn síns tíma). Hver man ekki eftir hneisu manna eins og Maradonna (hendi Guðs) og Zidanne í úrslitaleik HM síðast. 

 Grétar Einarsson 

[Magnús Geir Guðmundsson, 25.6.2008 kl. 20:55]

Takk fyrir þetta Grétar og já mikið rétt, hin tvö atvikin sem þú nefnir sömuleiðis ljót og líka ömurleg!

En allt fór nú vel fram hygg ég áðan og Lehmann þurfti sjálfsagt lítið að hugsa um að "fórna lífinu"!

[Grétar Einarsson og Óskar Ásgeir Ástþórsson , 26.6.2008 kl. 13:57]

Það er rétt. En ég hef hins vegar áhyggjur af honum íúrslitaleiknum. Mér finnst hann ekki öruggur í markinu og að minnsta kosti síðara mark Tyrkja skrifast á hans reikning.

Grétar Einarsson