Neineinei!

Svo ég svari þessu nú bara fyrir hönd til dæmis ungra Unitedaðdáenda, sem auðvitað sáu aldrei Best, þá var hann flottur töffari og skemmtilegur náungi að hlusta á, hvort sem hann var að reyna það eða ekki, sagði brandara eða var að útskýra töfra fótboltans í þáttum sem hann tók þátt í og voru sýndir hér í eldgamladaga! Ronaldo er að minnsta kosti ennþá bara svolítill "Súkkulaðidrengur" sem vissulega er einn af þeim allrabestu í dag, en á til dæmis langt í land að verða slík goðsögn utan vallar sem David Beckham,hefur orðið og er vissulega enn! (en sem vel að merkja er líka að þakka ektakvinnu hans Victoriu!)
En jújú, þetta virðist á góðri leið hjá stráknum, þótt hann megi nú passa sig.

Betri en Best?

Ó, Raufarhöfn!

Sá stórmerki hagyrðingur, Egill Jónasson á Húsavík orti einu sinni ódauðlegan brag um Raufarhöfn, eftir að hafa átt þar miður góða reynslu að vinnu þar.
Byrjar hann svona:
Farðu í rassgat Raufarhöfn...Fer ekki lengra með hann, nema hvað þetta kom upp í hugan núna og varð me´r sjálfum óbeint að yrkisefni.

Stundum gerist andinn ör
og atvik henda tvenn og þrenn.
Á Raufarhöfn var rosafjör,
"á rassgatinu" flestir menn!

En auðvitað leiðinlegt að þegar tíðindi berast frá stað sem þessum, skuli þau oftar en ekki vera af þessu tagi!

Slagsmál á Raufarhöfn

Lengi getur vont versnað!

Ójá, ekki er nú laust við það, þegar menn eru einu sinni flæktir í netið, festast menn bara betur og betur í því þeim mun meir sem menn brjótast um til að losna!
Svo virðist allavega staðan vera með forsprakka D listans í borginni, sem svo aftur eykur á vanda flokksins alls.
En hverjar lyktirnar verða ætla ég ekkert að spá um, en segi bara!

Villi er í vondum málum,
vafasöm er staða hans.
Bröltandi á brautum hálum,
burt frá vegi sannnleikans!

„REI - ætlar Sjálfstæðisflokkurinn ekki að axla ábyrgð?“

Mjótt var á munum..!

Myndi ég nú frekar orða það, en um jafna kosningu hafi verið að ræða!
En hvað um það, þá er nú amt sjaldan meir sárar að tapa, en einmitt eins og svona, með aðeins sex atkvæða mun. Þannig að það má alveg túlka þetta svona!

Þótt Röskva rassskellti eigi,
"ræfilsgreyin" í Vöku.
Þá ég sannlega segi,
samt voru "barin í köku"!

Röskva sigraði naumlega

Klúður í aðsígi!?

EF einkum og sér í lagi það gengur eftir, að Hr. Odama vinnur sigur í stærsta og mikilvægasta ríkinu, Kaliforníu, að ekki sé talað um að hann hafi líka betur í New york, þá þarf vart að spyrja að leikslokum, Demokratar missi af þessu einstaka tækifæri að bjóða fram konu í fyrsta sinn sem fulltrúa til þessa valdamesta embættis heims og ætti já svo sannarlega mikla möguleika á því og virkar sömuleiðis til þess hæf!
Klúður er já orði sem manni finnst við eiga ef svona fer og vekur mann þá að líkindum líka enn og aftur til umhugsunar um þetta alsherjar ruglkosningakerfi sem er viðhaft bæði í forkosningum og hinum aðal og er ekki fyrir venjulegan mann að skilja til hlýtar, að Odama gæti þess vegna náð góðum meirihluta kjörmanna er svo útnefna futtrúan á flokksþinginu, þótt ekki sé meirihluti kjósenda þar á bakvið.
Það væri nefnilega svo spennandi að sjá það gerast að kona berðist og myndi hugsanlega sigra þetta risastríð sem kjörið um forseta Bandaríkjanna óneitanlega er á sinn hátt!
Það er nefnilega enn nokkuð útbreiddur misskilningur bæði hér á landi og svo auðvitað í hinum misupplýstu Bandaríkjum sjálfum, að útnefning Odama og hugsanlegt forsetakjör í kjölfarið, marki ekki síður tímamót, hann yrði þá "fyrsti svarti maðurinn" í þeirri stöðu.
En Odama á bara ekkert meir samleið með svörtum ameríkönum frekar en hvítum, ef eitthvað er meir með hvítum!
Hann er jú kynblendingur, sem ekkert hafði af föður sínum að segja, er alfarið alin upp hjá velmegunarfjölskyldu sinnar hvítu móður svo hans hvíti angi er að öllu leiti sterkari í hans lífi.
En honum hefur nú í baráttunni tekist mjög vel upp að samsvara sig svarta anganum, því verður ekki á móti mælt og þar sem blökkumenn eru stór eða stærri ópur kjósenda hefur hann vinninginn!
En eins og alltaf, þá spyrjum vi að leikslokum á þessum "Ofurþriðjudegi" sem fyrst og siðast virðist spennandi hjá krötunum, hjá Republíkunum virðist stofnun "Öldungaráðs" vera í aðsígi! (svona að hætti Kínverja lengi vel!?)

Ætla Kratar í kjörsins skálum,
að klúðra sínum málum?
Já, vaða í villu,
velja ei "Hillu"
En treysta "svart-hnítum" sálum!?

Obama leiðir í Kaliforníu

Ó, hjálpi mér!

já, þannig hrópaði ég nánast upp í hádeginu um kl. 12. 43 að staðartíma, er rödd mjög svo kunnugleg tók að lesa íþróttafréttir í lok fregna á RÚV!
Og eigandi raddarinnar?
Hinn mjög svo upplífgandi "þegar allt kemur til alls" Dalvíkingur Snorri Sturluson, sem reyndar hefur eftir að Símafótboltarásin Skjásport dó, hefur bærilega kúldrast á kvöldin og nóttinni um helgar að spila plötur á rás tvö!
Sleppur fyrir horn þar alveg í að setja skífur í spilara og blaðra með, en í íþróttalýsingum... tja, vil eiginlega ekki segja hvað ég hugsa, en aðeins nafni hans Skúlason náði að toppa hann í "gæðum" hvað það snertir!"Litla barnið" Valtýr, að ég tali nú ekki um ofvirknisöldungin GG, koma þó fast á hæla þeim og eru þannig séð í sama "gæðaflokknum"!
Þegar og ef enski boltinn flyst nú aftur á RÚV eftir tvö ár eða þrjú kannski, verður lasgt á bæn í von um að ekkiekkiekki...SEgi ekki meir!

Átti Spurs ekki skilið að vinna?

Það var allavega skítt fyrir þá enn og aftur að fá ekki meir út úr leik við Man Utd.
Markið þeirra að vísu umdeilanlegt en heimaliðið fékk betri færi hafi ég skilið þetta rétt og svo sleppti dómarinn víti skilst mér (eins og venjulega í tilfelli M.U.!?) sem hann hefði getað dæmt á gestina!
En þessi úrslit styðja kenningu mína betur allavega í bili, að Arsenal séu helstu kandidatarnir að vinna titilinn í vor!
Chelsea tapaði líka tveimur stigum gegn Portsmouth, náði því ekki að setja félagsmet í sigurleikjum í rö.
En hamingjuóskir að lokum til dalvíkur, Heiðar Helgu sne´ri aftur í lið bolton og skoraði!
Austanpilturinn Grétar RAfn hélt svo sömuleiðis áfram að standa sig í boltonliðinu!

Tevez kom United til bjargar

Klúbbur í klípu!

Já, klúbbsstarfsemi D í borginni er vissulega í klípu og skildi engan undra!
Leiðtogin er úr fjarlægð séð ekki traustur og óvissa ríkir bæði hjá kjósendum D sem öðrum hvernig tekið verður á málum hans ef og þegar sá dagur rennur upp að samningur þessa nýja meirihluta verði efndur og enn og aftur verði skipt um "Stjórann"!
N'u meirihlutin nýji er ekki orðin margra daga gamall þegar einn helsti forkólfur D, gísli Marteinn, er farin að tala þvert á eitt aðalgrundvallarmálefnið í meirihlutasamningnum við Ólaf F., "Flugvöllur haggistei" með því að stefna beri á 20000 manna byggð í Vatnsmýri!
Er nokkuð skrýtið að menn hrukki ennið, allavega með svona byrjun og hafandi í huga allt sem á undan er gengið?
Líklega ekki!
DAgur fyrrverandi borgarstjóri kinkar hins vegar að sjálfsögðu kolli yfir tillögu G.M.! Hann hafði á sínum 100 dögum náð satt best að segja ótrúlega mikilli sátt um sig og því kemur ekki á óvart nú að fylgi S rjúki upp, borgarbúar vildu greinilega hafa hann og hitt liðið áfram, enda líka vel að merkja, meirihluti kjósenda á bakvið þennan nú svonefnda "nýja Tjarnarkvartett"! (sá eini sanni hins vegar sönghópurinn úr Eyjafirðinum)
Annars má þetta segja um Dr. Dag!

Hvorki er reikull né ragur,
en refsskák teflir víst hagur.
Virðist og dugmikill Dagur,
drengur góður og fagur!?

Fundað í Valhöll

Verðandi Meistarar!?

Líkurnar aukast allavega á því, að hið unga en greinilega mjög svo fjölhæfa lið Arsenal muni hampa enska meistaratitlinum í vor!
Virðist litlu sem engu skipta þótt fjórir til fimm aðalliðsmenn séu frá vegna meiðsla eða í verkefnum með landsliðum sínum í Afríkukeppninni, aðrir og bara að því er virðist jafngóðir koma inn og skila sama verki.
Þessi glæsielgi glæsilegi sigur á Man City og mjög svo afgerandi hlýtur að hræða aðdáendur Man Utd. því ekki hafði City aðeins unnið nær alla sðina leiki heima hingað til, heldur hafði þeirra lið tapað þarna verðskuldað!
Þetta kemur mér þó ekki á óvart, Wenger er snillingur og ég spáði að Arsenal yrði í þessari baráttu er keppnin hófst í haust. Hins vegar bjóst ég sem fleiri við að Liverpool yrðu helstu keppinautarnir.
Chelsea hafa svo sjálfsagt ekki sagt sitt síðasta heldur, liðið er rétt á eftir Arsenal og Man Utd, kannski skjótast þeir uppfyrir annað hvort liðið, en ég yrði samt hissa ef þeir næðu þriðja titlinum á fjórum árum!

Arsenal í toppsætið eftir sigur á Man City, 3:1

Já, mótsagnakennt, en samt..!

Tjörnin greinilega til margra hluta nytsamleg víst, en menn eru náttúrulega þarna "Á hálum ís" í fyllstu orðsins merkingu!

Á tjörninni var skrýtið skak,
skildu það nú flestir eigi.
En fótbolti er fyrirtak,
á frostaköldum Þorradegi!

Fótbolti á þorra