Færsluflokkur: Stjórnmál og samfélag

Fyrirsögn eigi til fjár!

Enn eitt dæmið um hnignandi tíð í prófarkalestri.
Þú fylgir ekki í fótspor, heldur FETAR, en fylgir hins vegar í kjölfar einhvers.
mbl.is Gunnar fylgir í fótspor Emmu Watson
Tilkynna um óviðeigandi tengingu við frétt

Jamm, Kuldaboli bítur...En til er ráð...!

Húnvetningar og aðrir geta nefnilega nælt sér í eintak af LIMRUROKK, skemmtiskruddunni vænu og fyrr en varir tekur blóðið að renna örar!

Fæst hjá Eymundssonverslununum í Austurstræti í Reykjavík og á Akureyri.
Verslun Tunnunnar á Siglufirði.
Skagfirðingabúð á Sauðárkróki.
Smekkleysu, Laugavegi 35 í Reykjavík.

Svo má líka setja athugasend hérna ef menn vilja hafa samband og fá eintak "Beint frá bónda!"

Annars gefur fregnin manni þetta tilefni til viðbragða!

Nú er fjör á Fróni,
frystir bráðum hér,
eflaust undan jóni,
Einari og MÉR!


mbl.is 24 stiga frost í Húnaþingi
Tilkynna um óviðeigandi tengingu við frétt

Lítil kveðja til Akureyrar í tilefni dagsins!

Akureyri, minn yndislegi bær,
Nú eitthundrað og fimmtíu árum nær.
Við Eyjafjörðinn ugglaust vex og grær,
Áfram líkt og yngis- fögur mær.

Á brautum hans ég barnskóm mínum sleit,
Björt er æskuminningin og heit.
Frá hjartans rótum, hreinskilin ei veit,
Um hamingjunnar meiri sælureit.

Til hamingju allir Akureyringar nær og fjær með afmæli bæjarins og sömuleiðis Dvalarheimilisins Hlíðar, 50 ára og Listigarðsins, 100 ára um þessar mundir!


Beiskur er sá beygði!

Prófessorinn gleymir nú því langmerkilegasta á ferli "Gerðunnar" í upptalningunni, nefnilega fv. Handboltadómari!

En það er nú annars kunnara en frá þarf að greina, að prófessorinn var sekur fundin og dæmdur af hæstarétti fyrir að gera orð Nóbelskáldsins Laxness að sínum (svo við orðum það pent) í ævisöguþríleik sínum um hinn síðarnefnda. Hins vegar vill svo til, að sá sami Halldór Guðmundsson sem þarna er nú í forsvari Hörpunnar, en prófessorinn vill meina að ætti ekki að vera það, skrifaði líka á svipuðum tíma ævisögu sama Nóbelsskálds, þar sem vel var að verki staðið og viðurkenningar hefur hlotið!
Þessu mun prófessorinn að sjálfsögðu aldrei geta kyngt í sinni eilifðarvindmyllubaráttu við "þá vinstri" svo skrif sem þessi koma nú ekki beinlínis á óvart.
Þannig er því bara oftast varið með þann beygða, beiskjan grefur um sig og brýst fyrr eða síðar upp á yfirborðið og er öllum ljós nema þeim beygða, sem helst aldrei mun viðurkenna ósigur sinn!

Það er svo síðan nokkuð fyndið, þegar Halldór Guðmundsson á með einvherjum hneykslishætti að vera ráðin sem einhver "innsti koppur í búri" hjá Samfylkingunni, meðan Þorgerður er bara "saklaust fórnarlamb og órétti beitt af vonda stráknum Degi B....?!"

Ansi hreint hlálegt já, en sannarlega ekki í fyrsta skiptið sem prófessorinn sér okkur fyrir álíka skemmtan!


mbl.is Segir Dag hafa komið veg fyrir ráðningu
Tilkynna um óviðeigandi tengingu við frétt

"Glöggrakompaníið!"

Eftirfarandi lét eldpredikarinn Jón VAlur Jensson flakka á bloggsíðu sinni fyrr í dag, sem viðbrögð við afsökunarkröfu Steingríms J. á hendur Vigdísi Hauksdóttur "íslenskufræðingi" er hún hafði dylgjað um meint hagsmunatengsl hans og venslafólks við sölusamning ríkisins og Reykjanesbæjar.
Má þarna með sanni segja að skilningur á hugtakinu "Glöggskyggni" nái alveg nýjum og óþekktum hæðum?!
Engum sögum fer svo enn af hvort þingkonan hafi beðið þau sómahjón Kristínu og Ólaf Hergil afsökunnar, glöggskyggnina kann að skorta til þess?

"Ótrúlega ósvífinn er Steingrímur J. á þingi í dag, þar sem hann krefst afsökunarbeiðni Vigdísar Hauksdóttur alþm. sem bendir á hagsmunatengsl fjölskyldu ráðherrans við kaup ríkisins á tveimur jörðum á Rosmhvalanesi (Reykjanesskaga), þar sem systir hans og mágur eiga 16 komma eitthvað í tvimur jörðum þar, sem Steingrímur ætlar að láta ríkið kaupa. Ráðherrann er augljóslega hagsmunatengdur, en kann ekki að skammast sín og reynir að smyrja skömmum á glöggan þingmanninn Vigdísi"


mbl.is Hljóta að vakna pólitískar spurningar
Tilkynna um óviðeigandi tengingu við frétt

HRÆSNI!

Þessi "opinberun" Atla Gíslasonar er með ólíkindum!

Þingmanninum var mjög tíðrætt um virðingu alþingis er hann ásamt Lilju Mósesdóttur, tilkynnti um brotthvarf sitt úr þingflokki VG og fullyrti m.a. um aðra starfsfélaga sína að þeir hefðu ekkert lært af rannsóknarskýrslunni stóru, allt væri við það sama. Þetta væri ein af ástæðunum fyrir brotthvarfi hans.
En nú vill svo einkennilega til að í atkvæðagreiðslunni síðast um þetta mál, þá greiddi þessi sami þingmaður, Atli Gíslason, atkvæði MEÐ, SAGÐI JÁ VIÐ ICESAVE!
Gerði hann það þá gegn betri vitund?
Ef svo er, hví í ósköpunum var hann þá ekki búin að stíga til hliðar áður, ef hann virkilega telur sig nú geta talað svo fjálglega um virðingu alþingis sem raun ber vitni?
Þetta er auðvitað ekkert annað en hræsni af verstu tegund í mínum huga, með því að gefa svo upp afstöðu sína nú, þvert á hina eiðsvörnu á alþingi, hittir Atli bara engan annan fyrir en sjálfan sig,misbýður virðingu þingsins gróflega!


mbl.is Atli og Lilja setja x við nei
Tilkynna um óviðeigandi tengingu við frétt

Athyglisvert!

Án þess að samanburður sé annars gerður á þessum könnunum, þessari og könnun MMR, þá vekur það nokkra athygli hjá mér að munurinn sem á þeim er mælist nánast sá er taldist vera vikmörkin í könnun MMR.
Nei-sinnar höfðu tilhneigingu til að túlka vikmörkin bara sér í hag, en eins og þeir þekkja sem eitthvað hafa kynnst tölfræði, virka líka í hina áttina, eða eins og hérna mætti halda að hafi gerst.
Svo er bara að sjá hvort þetta verður áfram þróunin, en eftir því sem nær dregur atkvæðagreiðslunni verður meir og meir að marka kannanir sem þessar.
mbl.is 56% segja ætla að styðja lögin
Tilkynna um óviðeigandi tengingu við frétt

Vafasöm iðja!

Og því er hvatningin svona:

Þarna næstum vá er vís,
visnað heyrnin gæti.
hunsið svona helvítis,
hávaða og læti!


mbl.is Tunnumótmæli boðuð á þriðjudag
Tilkynna um óviðeigandi tengingu við frétt

Húrra fyrir Öddu!

Það gleður sannarlega mitt gamla hjarta að sjá mína gömlu og góðu skólasystur fá þessa líku glæsilegu kosningu, ætti bara að gera hana að...
...EINRÆÐISFRÚ í kjölfarið á þessum fínu úrslitum, hahaha!
mbl.is Ný hreppsnefnd í Reykhólahreppi
Tilkynna um óviðeigandi tengingu við frétt

ÖMurleg niðurstaða!

Mín fyrstu viðbrögð eru gríðarleg vonbrigði með þessa ráðningu og í mínum huga er L-listin strax byrjaður að bregðast þeim meirihluta bæjarbúa sem veitti honum meirihlutaumboð með sögulegum hætti í vor.
Finnst mér listin strax ekki vera lengur framboð AKUREYRINGA með þessari ákvörðun, að nýta ekki gullið tækifæri að velja úr góðu framboði HEIMAMANNA eða borinna og barnfæddra Akureyringa er sóttu um og ekki bara það, heldur voru miklumiklu reyndari og frambærilegri en sá er nú hefur hreppt starfið!

Þessi ráðning er eiginlega alveg óskiljanleg og afskaplega ógæfulegt upphafsskref á ferli L-listans við völd á Akureyri!


mbl.is Ráðning Eiríks staðfest
Tilkynna um óviðeigandi tengingu við frétt

Næsta síða »

Um bloggið

Pælt um heima og geima

Höfundur

Magnús Geir Guðmundsson
Magnús Geir Guðmundsson
Áhugamaður um flesta hluti.

Nýjustu myndir

  • wmftcs
  • mgg
  • ...mg2_251805
  • ...mg2_251804
  • ...mg2

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku: 1
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband