´"Ég er tvegg' ára trítill...

...í tilveru bloggsins,
Heimskur, haldlítill,
hirðingi goggsins!

Ég á semsagt tveggja ára bullogblaðurafmæli á Moggablogginu
og ætla bara svei mér þá ALLS EKKI að hætta að því tilefni!
Þetta er nefnilega svo gaman, lenda í röfli, fá yfir sig skæðadrífu skamma og skætings bara vegna þess að mannlífskannanir eru mér kærar (eins og að kanna innræti aðdáenda viss enks fótboltafélags, sem fyrsti stafurinn í er Manchester) gera öðrum bloggurum lífið leitt eða skemmtilegt eftir atvikum, atast í stelpum allra kynslóða o.s.frv. o.s.frv...

Hef reynt margt afar skemmtilegt og fróðlegt og sumt raunar alveg sprenghlægilegt í öllum sínum alvarleika sem nú skekur þjóðina.
Aðeins einum öðrum bloggara hefur svo við mig mislíkað,að hann hefur lokað á mig, en það er engin annar en hinn sjálfsskipaði sérfræðingur þjóðarinnar númer eitt í peningamálum og raunar lausnum við öllum hennar vanda,

MR. LOFTUR ALTICE ÞORSTEINSSON/altice.blog.is.

Er þar á ferð jú hámenntaður herra, en er í raun mikið til "Simpatískt Sjallagrey", sem vill kalla aðra öllum íllum nöfnum, en þolir ekki annara gagnrýni og að af alvöru sé staðið upp í hárinu á honum.
En eins og KK syngur, "Svona eru menn.." og verða bara að fá að vera það.

Til hamingju "Sjálfurég" með daginn!

Athugasemdir

[Brattur, 13.6.2009 kl. 22:05]

Við Sir Alex óskum þér hjartanlega til hamingju með daginn !

[arnar valgeirsson, 13.6.2009 kl. 22:29]

til hamingju með tveggja ára afmælið meistari. og endilega haltu áfram að rífa kjaft. á fullu.

hvernig gengur þórsurunum?..

[Lilja Guðrún Þorvaldsdóttir, 13.6.2009 kl. 23:22]

Til hamingju með daginn meistari og bloggvinur!

[Magnús Geir Guðmundsson, 13.6.2009 kl. 23:40]

Þakka ykkur sömuleiðis!

Bið samt ekki að heilsa karlinum B, nema að hann skildi vilja bjóða mér á völlin!?

Addi minn, þú veist að þeir eru í ræsinu núna, eða svo gott sem, samt ekki ennþá öll nótt úti enn!

Þú ert indæl góða leikkona, að kasta á mig kveðju!

[Yes yes yes (IP-tala skráð) 13.6.2009 kl. 23:46]

Gjöf í tilefni dagsins:

http://www.youtube.com/watch?v=s2_sH64Fmac&NR=1

[Steingrímur Helgason, 13.6.2009 kl. 23:52]

Gratjú með áfangann meistari.

Megir þú blogga sem lengzt, mezt & bezt...

[Jens Guð, 14.6.2009 kl. 00:29]

  Til hamingju með bloggafmælið og þó ennþá frekar til hamingju með að vera á bannlista hjá Lofti. 

[Húnbogi Valsson (IP-tala skráð) 14.6.2009 kl. 00:40]

Til hamingju félagi.

[Stefán Sigurðsson (IP-tala skráð) 14.6.2009 kl. 08:57]

Til hamingju með bloggafmælið. Megir þú blogga þangað til að þú gefur upp andann og rennur saman við eilífðina ....

[Magnús Geir Guðmundsson, 14.6.2009 kl. 13:28]

Þetta síðasta þykir mér nú ekki hvað síst vænt um, takk innilega Eyjó minn og skilaðu kveðju til baka til snillingsins! Sömuleiðis gaman að heyra þeta með þig sjálfan, til lukku, vissi það ekki frekar en þú haha!

Bestu þakkir til ykkar hinna, steini, Húnbogi og Stebbi, sá síðastnefndi mætti alveg kíkja oftar og koma með heimspekileg innlegg eins og þetta núna!

Og Jens, þín sérstaka kveðja auk hins er ekki amaleg!

Og loks til hins gjafmilda en feimna YYY (eða hinnar?) takk, alltaf gaman að fá gjafir, en hef ekki "opnað" hana enn!

[Lára Hanna Einarsdóttir, 14.6.2009 kl. 13:31]

Til lukku, minn kæri. Megirðu blogga áfram um ókomin ár! 

 Hvaða Lofti dettur í hug að bannfæra þig?

[Magnús Geir Guðmundsson, 14.6.2009 kl. 13:55]

Bestu þakkir mín góða og fagra vinkona!

Tja, þessum, þú hlýtur að kannast eitthvað við hann!

[Magnús Geir Guðmundsson, 14.6.2009 kl. 14:01]

Hvernig litist þér á það annars sem slúðrað er um núna í Betuveldi, að fá Torres í MU? Fegurðarstuðullinn myndi allavega rísa á OT ekki satt?

[Lára Hanna Einarsdóttir, 14.6.2009 kl. 14:24]

Þessum hvaða? Gleymdirðu að linka?

Mér litist ágætlega á að fá Torres, hann er góður sparkari. Ég læt öðrum eftir að meta fegurðarstuðul boltans. Kolbrúnu Bergþórs, kannski? Mér er slétt sama um útlitið ef hæfileikarnir eru á sínum stað.

[Lára Hanna Einarsdóttir, 14.6.2009 kl. 14:31]

Fyrirgefðu, nafnið fór fram hjá mér í færslunni. Þetta er Loftur A.Þ. sé ég. Vertu stoltur af því.

[Magnús Geir Guðmundsson, 14.6.2009 kl. 15:39]

Hehe, vissi að þú myndir bregðast svona við með Torres, gat bara ekki setið á strák mínum sem stundum fyrr. En láttu samt ekki svona, þér finnst hann nú pínu...!?

Ja, veit nú ekki um stoltið, en fannst þetta mjög fyndið hjá karlinum í ljósi þess hvernig hann leyfir sér sja´lfur að haga sér og þá ekki síður á annara síðum en eigin!

[Magnús Geir Guðmundsson, 14.6.2009 kl. 19:41]

Nú er ég búin að smella YYY, af hverju þetta lag og á ég að þekkja þig!?