Skammgóður vermir!?

Nú er það já gott og blessað út af fyrir sig ef hin góða stétt ljósmæðra hefur náð þessum árangri með einaðri staðfestu, í stórum dráttum því sem þær stefndu að, en eins og ég hef til dæmis örlítið reifað hér og þar eftir að hafa hugsað um þetta blákalt, þá kann þetta einungis að verða skammgóður vermir!
Eins og árferðið er allavega og ekki sýnist ætla að lagast, þá mun verðbólga klípa jafnt og þétt í þessa kjarabót eða aukningu líkt og víst þegar hefur gerst hjá mörgum öðrum stéttum sem samið hafa á sl. mánuðum.
EF svo færi að ný þjóðarsátt yrði gerð, þá er líka fyrirsjáanlegt að ljósmæðurnar yrðu að sjá á bak þessari bót að meira eða minna leiti.
Það sem svo mér finnst öllu verra að virðist strax ætla að gerast og ég velti jafnframt upp, er að vart hefur blekið á þessari miðlunartillögu þornað, en ein önnur stétt í heilbrigðisgeiranum (ljótt og leiðinlegt orð, en nota það hérna eitt skipti í undantekningartilfelli) eða talsmenn þeirrar stéttar, læknar, lýsa því yfir og lesa má hér neðar í fréttunum, að þeir muni ekki sætta sig við minna en ljósmæðurnar eru líkast til að fá ef þær samþykkja þessa miðlunartillögu!
Auðvitað finnst manni stundum gott og aman að vera pínu vitur og sannspár, en ekki þó sérstaklega í þessu tilfelli.
Þetta lítur bara því miður nei ekki vel út ef fram heldur sem horfir, en með einarða baráttu og samstöðu þeirra ljósmæðra sem í hlut hafa átt (ekki allar ljós´mæður í landinu sem áttu í þessari deilu, t.d. ekki á Akureyri) má óska til hamingju!

Ljósmæður fá allt að 21% hækkun

Athugasemdir

[Jenný Anna Baldursdóttir, 17.9.2008 kl. 11:23]

Hm....

[Hólmdís Hjartardóttir, 17.9.2008 kl. 11:26]

ég er ekkert yfir mig bjartsýn á að þær njóti þessarar kjarabótar lengi.....barátta ljósmæðra er réttindabarátta í raun og veru.

[Magnús Geir Guðmundsson, 17.9.2008 kl. 11:40]

HM? Nei Jenný, ekki fyrr en á næsta ári í handboltanum og 2010 í fótboltanum haha! En þetta er þér annars umhugsunarvert sem fleirum.

Alveg rétt hjá þér mín góða Hólmdís, en eins og þú sérð með læknana og að líkum fleiri sem á eftir munu koma, þá hugsar bara hver um sig og sínar krónur, sem mega ekki vera færri en hjá félaganum við hliðina!

[Fannar frá Rifi, 17.9.2008 kl. 12:51]

ég er búinn að vera að benda á þetta síðan í byrjun ágúst. Ef aðrar stéttir lýsa ekki yfir stuðningi við Ljósmæður og lofa þeim að eiga sína kjarabót án þess að nota þær sem viðmið í eigin samningum. munu ljósmæður einungisstanda í stað.

en ef þetta er satt með læknanna þá kemur það greinilega í ljós að þeir bera enga virðingu fyrir starfi Ljósmæðra eða kjarabaráttu þeirra. 

[Magnús Geir Guðmundsson, 17.9.2008 kl. 14:17]

Sæll FAnnar frá Rifi!

Læknar voru einmitt fyrir nokkrum dögum búnir að lýsa yfir stuðningi við ljósmæðurnar.

En fyrr í morgun, nokkru áður en þessi frétt birtist, var vitnað í talsmenn lækna um að þeir vildu svipaðar kjarabætur!

[Fannar frá Rifi, 17.9.2008 kl. 14:42]

Hnífur í bakið.

Grein sem ég skrifaði 8. ágúst

Grein skrifuð 5. september

og grein skrifuð í dag

spurning er hvort að fleyri stéttarfélög og verkalýðsfélög muni stinga Ljósmæður í bakið.

Ætli það verði fyrsta verk nýs Forseta ASÍ að stinga Ljósmæður í bakið? Mun Ögmundur og BSRB stinga þær í bakið? nú er bara að býða og sjá hverjir muna taka niður grímuna niður og gera baráttu Ljósmæðra að engu.

[Magnús Geir Guðmundsson, 17.9.2008 kl. 17:39]

Ja lagsmaður, þetta eru nú ansi margar hnísstungurnar, mundu að "Hver er sjálfum sér næstur", það er bara gömul saga og ný!

[Fannar frá Rifi, 17.9.2008 kl. 20:44]

Mér fynnst það blóðugt að verkalýðsfélög haldi beint þeim sem eru hvað verst settir niðri.

síðan mæta þær í fjölmiðla og kvarta undan stöðu þeirra verst settu en eru með hnífin falin á bakvið, tilbúnir senda kjör þeirra verst settu enþá lengra niður.