Undrin halda áfram!

20.6.2008 | 22:52

Fyrr í dag sagði ég að eftir makalausan leik Portugala og Þjóðverja, tgæti maður svo sem átt á ýmsu von í framhjaldinu, en ég hefði samt ekki t´ru á vþí með leik kvöldsins.
En maður lifandi! EF einvhern tíman er hægt að tala um að lukkudísir séu með í spilinu, þá má sannarlega segja það um Tyrkina, sem með ótrúlegum hætti lifðu þennan framlengda leik af, jöfnuðu já ævintýralega á lokasekúndum hennar og unnu svo eftir lýgilega lélega vítanýtingu hjá annars alþekktum sparkvissum Króötum!
ÉG er eiginlega alveg orðlaus, búin að strita eins og skepna með misjöfnum árangri í dag, ætlaði svo í rólegheitum að fylgjast með Króötunum taka Tyrkina létt, en þá fékk maður þennan "Trylli"!
Fyrir þriðja leikin í 8 liða úrslitunum á morgun, útilokar maður því bara alls ekkert að geti gerst. Liggur við að 5-0 fyrir annað hvort liðið hljómi bara raunhæft!
En vér látum hverjum degi nægja sína "þjáningu",
spáum nánar í þann leik á morgun.
En hvernig sem á þetta er litið, er þessi keppni orðin örugglega ein af þeim skemmtilegri og viðburðaríkari!

	Tyrkir unnu í dramatískum leik
Ábyrgðarmaður færslu Tilkynna um óviðeigandi tengingu við frétt

Flokkur: Íþróttir | Facebook

Athugasemdir

TURKIEY!!!!!

Sema Erla Serdar, 20.6.2008 kl. 22:54

Mér fannst leikurinn sjálfur (og framlengingin) með eindæmum lélegur og leiðinlegur. Það var ekki fyrr en eftir 2 klukkutíma hjakk að dramatíkin kom við sögu og svo fór sem fór.

Lára Hanna Einarsdóttir, 20.6.2008 kl. 23:09

Leikurinn var það tíðindalítill og varlega leikið, að jafnvel sparkfíkillinn ég var hættur að horfa á leikinn þegar hálftími var eftir, en kveikti aftur á honum þegar 10-12 mínútur voru eftir af framlengingu.

Það passsaði ágætlega, þá fór loksins eitthvað að gerast. Tyrkirnir voru ekki lakara liðið í leiknum, voru heppnir að ná að jafna, en áttu þátt í að skapa sér þá heppni með mikilli baráttu.

Theódór Norðkvist, 20.6.2008 kl. 23:34

gaman að fá hér inn á síðuna framandi tungu, SEma Erla, heyrist mér að þetta sé spænska.

Kæra Lára mín Hanna, ég upplifði þetta svona á köflum auk þess sem Valtýr björn er lítt að mínu skapi með sínar kjánaupphrópanir og fliss, en betra liðið tapaði fannst mér.

tyrkirnir eru að sumu leiti á góðri leið með að leika eftir afrek frænda þeirra Grikkja frá sl. Evrópumóti, baráttuglaðir og gefast ekki upp, en sem ég segi Teodór, Króatarnir samt mun betra lið en báru ekki gæfu til að sigra eins og þeir gerðu í leikjunum þremur í riðlakeppninni.

Magnús Geir Guðmundsson, 21.6.2008 kl. 00:21

Theodór, ekki Teodór.

Magnús Geir Guðmundsson, 21.6.2008 kl. 00:22

Tyrkneska mun þetta vera, sértu að tala um nafnið mitt eða skrif. Enda hálfgerður Tyrki hér á ferð.

Sema Erla Serdar, 21.6.2008 kl. 00:41

Sæl aftur og takk fyrir að fræða mig!

Óska þér innilega til hamingju með, já allavega, hálfgerðu landa þína!

Svo verður auðvitað einfaldlega allt brjálað í undanúrslitaleiknum gegn Þjóðverjum, vonandi fer þó allt vel fram og ekki verði læti á vellinum né í þýskalandi eftir leikin!

Magnús Geir Guðmundsson, 21.6.2008 kl. 00:46

Er ennþá í Bretaveldi og horfi á leikina með enskum lýsingum. Þeir eru ekkert að skafa ofan af því hér og lýsa skoðunum sínum á leik og leikmönnum afdráttarlaust. Mér finnst það gaman.

Ekkert komið enn á S2 svo þú hefur ekki misst af neinu... eða eftir því sem ég best veit. Ég er ekki í góðu netsambandi og missi af öllu mögulegu. En ég held að eihver hefði látið mig vita.

Bestu Englandskveðjur,

Lára Hanna Einarsdóttir, 21.6.2008 kl. 14:44

Kærar þakkir vinkona og gangi þér vel í Bretlandi.

Kemur ekki á óvart með innlenda lýsendur að þeir skafi ekki utan af hlutunum.

Hér heima eru hins vegar ánægjuleg tíðindi að gerast, kvennalandsliðið að taka Slóveníu í karphúsið, 4-0!

Magnús Geir Guðmundsson, 21.6.2008 kl. 15:30