Nei, það getur ekki verið satt!?

En, er það víst samt, þetta syfjulega, svo ég segi nú eins og er hvernig það verkar á mig, lítt spennandi lag flutt af fyrrverandi barnastjörnunni Jóhönnu Guðrúnu, sigraði!
ÉG fylgdist annars lítið með þessari keppni í ár líkt og sl. árið, en Óskar Páll, Skagfirðingurinn knái, sja´lfsagt vel að þessu komin.
Hef því ekki hugmynd um eða skoðun á hvort önnur lög hafi verið verri eða betri, hafi átt það frekar skilið að vinna.

En, hættum nú peningaaustri í svona umbúðir utan um þessa keppni, verður að spara einhvers staðar og hví ekki þarna þegar almannarómur segir að þetta sé svo leiðinlegt!?

Lagið Is it true til Moskvu

Tryggvi "Tekur á'ðí"!

Já, blessaður karlinn hann Tryggvi gísla er nú ekki beinlínis þekktur fyrir það gegnum tíðina, að sitja þegjandi hjá með skoðanir sínar, þær hefur hann oft og einatt látið í ljós gegnum tíðina svo athygli hefur vakið!
Kannski mest um skólamál, íslenska tungu og þess háttar, en margt fleira líka.VAr hygg ég megi segja svo farsæll skólameistari MA, að því ógleymdu að hafa einnig verið góður og gegnheill Framsóknarmaður af gamla skólanum! Bróður hans muna örugglega margir eftir, Ingvari fv. menntamálaráðherra Framsóknarflokksins og svo er nú sonur Tryggva landsmönnum kunnur vel,Gísli, fv. lögfræðingur og framkvæmdastjóri minnir mig líka hjá BHMR, en núverandi umboðsmaður neytenda (og sömuleiðis reyndar góður Framsóknarmaður!)
Mér fannst Egill já æsa sig fullmikikð við Jón Ásgeir þarna um daginn, en Simmi strákur var nú bara að taka sig taki þarna eftir að hafa fengið falleinkun hjá þorra áhorfenda í viðtali sínu fræga við Davíð Oddson!
("Vitlausi eða heimski", man ekki nákvæmlega einkunagjöfina, fréttamaðurinn Helgi Seljan, hefur kannski verið Simmanum fyrirmynd svona einu sinni kannski!?)
Enenen, nenni annars ekki að velta mér upp úr þessu frekar, slæ þessu bara upp í létt kæruleysi!

Tryggvi Gísla telur RÚV,
á tryllingslegum villigötum.
Garminn Simma sting'í stúf,
strákin Egil í ljótum fötum!

RÚV sagt kynda undir sleggjudómum og ofstæki

Stendur stutt við.

SVo er að sjá með þennan nafna minn, hefur komið víða við á örstuttum tíma og af öllum sólarmerkjum að dæma gæti allt eins orðið svo líka nú, en auðvitað getur þetta hangið í þessi tæpu tvö ár sem eftir eru af kjörtímabilinu.
Nema hvað, manni þessi er einn af þeim sem samkjaftaði og gerir kannski enn með Ingva Hrafni á hans þingi, get lýst honum svona án mikillar ábyrgðar!

Í sjónvarpinu sýnist stór,
sjálfsagt ekki tregur.
En mér finnst þessi Magnús Þór,
merkikertislegur!

Og það hefur reyndar gilt um margan annan og stjórnandan sjálfan þar með talin, sem þó má eiga það öfugt við gestina flestalla, að vera oftar en ekki skemmtilegur samt í öllu kjaftæðinu!

Magnús Þór aðstoðarmaður borgarstjóra

Fram og til baka um fjölmiðlamenn!

Ég hef mest alla mína hunds- og kattartíð verið mjög áhugasamur um fjölmiðla, starfaði um margra ára skeið fyrir dagblað og hef auk þess kynnst útvarpsrekstri og verið með þætti í útvarpi fyrir margt löngu. Fjölmiðlafólkinu mörgu hefur maður svo kynnst og starfað með og fylgst með því mörgu til lengri tíma. Sl. mánuði hefur nokkur gerjun verið í stóru ljósvakafjölmiðlunum og það að mér finnst býsna merkileg hvað varðar starfsmenn. ER ég þar þá helst að tala um Sjónvarpið og STöð tvö! Þegar einokun RÚV var afnumin fyrir rúmum 20 árum fór sem kunnugt er mikil skriða í gang frá RÚV, fyrst á útvarpssviðinu er Bylgjan varð til og síðar er Stöð tvö var stofnuð. Þetta muna nú flestir sem komnir eru vel á fullorðinsár og muna þessa umbrotatíma. Ég fór nú um daginn aðeins að velta þessu fyrir mér vegna þess, að nú á síðustu misserum já með Sjónvarpið og STöð tvö sérstaklega hefur verið margtr merkilegt að gerast og það eiginlega alveg öfugt við það sem áður var. Oftar en ekki voru það yngri og sprækari fjölmiðlungarnir sem ákváðu að söðla um frá Sjónvarpinu til dæmis yfir á S2, nýjabrum, betri laun m.a. sem þar réði oftast ákvörðunum. En nú er öldin semsagt önnur, nefnilega hver ELDRI starfskrafturinn á fætur öðrum verið ráðin til Stöðvarinnar og þá eftir að hafa hætt áður vegna breytinganna á RÚV yfir í opinbert hlutafélag eða vera horfið fyrr til annara starfa. Það var þó endurkoma gamla poppblaðamannsins og umboðsmannsins Ómars Valdimarssonar í erlendar fréttir á S2 sem kom mér endanlega til að hugsa þetta, en hann er nú reyndar gamall starfsmaður beggja vegna borðsins, en hefur nú mörg undanfarin ár hins vegar unnið sem upplýsingafulltrúi hjá Rauða krossinum víða um heim!Og var reyndar smátíma að átta mig reyndar að þetta væri hinn eini sanni Ómar Vald. Nú, en dæmi um eldri og reyndari krafta sem komið hafa á stöðina, en mest hefur allavega áður verið þekkt fyrir sín störf hjá RÚV, eru Þorfinnur Ómarsson (sem var líka áður búin að vinna þarna á NFS, en þar áður lengilengi fyrir RÚV) Sigurlaug margrét Jónasdóttir (Jónassonar) og Katrín Pálsdóttir, er lengi var á fréttastofu bæði útvarps og svo Sjónvarps. Á hinn bógin hafa sem kunnugt er yngri kraftar farið á RÚV og þá ekki hvað síst í Kastljósið, Helgi SEljan, Jóhanna vilhjálmsdóttir og Brynja Þorgeirsdóttir, að ógleymdum "Stjóranum" sjálfum, Þórhalli Gunnarssyni, sem þó upphaflega sem margur annar, byrjaði sem fjölmiðlamaður í útvarpi, sennilega að þakka vini hans og félaga úr Kópavogi frá barnæsku, Fjalari Sigurðarsyni! En Þórhallur (sem auðvitað er leikari að upplagi og er núna einmitt í hlutverki í spennuleikriti Útvarpsleikhússins, Dauða trúðsins eftir Árna Þórarinsson) kom einmitt í hinum frægu skiptum er Logi Bergmann ákvað að söðla um. Nú tveir fyrrum íþróttastjórar hjá því sem nú heitir 365 miðlar, hafa hins vegar merkilegt nokk verið dregnir inn á RÚV, svona mótvægi við yngra liðið að mestu, þeir Snorri Sturluson og Valtýr B. Valtýsson og líkast til fyrir tilstilli fyrr sem nú æðsta yfirmanns þeirra, Páls Magnússonar!? Veit nú ekki satt best að segja hversu íþróttadeild RÚv hefur notið góðs af og held raunar lítt, þeir tveir þó ágætir strákar séu, ekki í hópi þeirra færustu í greininni satt best að segja! En hvað sem því líður, nokkuð merkileg þessi þróun sem orðið hefur á starfsmannahaldi þessara stóru ljósvakamiðla og hef ég kannski ekki talið allt, einherjum gleymt að líkindum.

Árni Johnsen, framboð og eftirspurn!

Á undanförnum vikum hef ég oftar en einu sinni verið að velta því fyrir mér sem felst í fyrirsögninni hér að ofan. Og ekki að ástæðulausu, því ekki aðeins hefur Árni sjálfur farið hamförum í hverri blaðagreininni á fætur annari í að því er virðist endalausri viðleitni sinni að fanga sviðsljósið, með meðal annars frekar óvandaðari gagnrýni á bubba Morthens og björk Guðmundsdóttur heldur hafa fjölmiðlar, starfsmenn þeirra, að einvherjum ókunnum ástæðum stígið dansinn við karlinn og fengið hann í viðtal eftir viðtal! Meðal annars vegna þessara ritdeila við B & B, en líka að einvherjum öðrum ástæðum, sem mér eru alveg fullkomlega á huldu! Til dæmis eyddi sá ástsæli útvarpsmaður til tuga ára, Jónas Jonasson, heilum FJÓRUM þáttum í að ræða við mannin, sem mig minnir þó glögglega, að hafi allavega einu sinni áður verið hjá honum í þáttunum Kvöldgestir, þó fyrir allnokkrum árum væri! ER svona virkilega mikil eftirspurn eftir Árna frá þorra almennings, eftir allt sem gekk á með hann og hans grófu misgjörðir? Svo ég svari bara sjálfum mér, þá hef ég bara alls ekki orðið var við það, heldur þvert á móti og það veit sá sem allt veit, að eftir til dæmis heldur snautlega útkomu í ritdeilu sinni við Björk, sem svaraði honum í senn afskaplega fast og vel, en jafnframt mjög kurteislega, þá hefur nú vegsauki Eyjamannsins heldur ekki batnað í þá átt. Nú síðast í vikunni berast svo þau STÓRTÍÐINDI að ÁRni sé nei sko ekki að baki dottin í athyglisbröltinu, nei, nú skal bara stefna sjálfri blaðadrottningunni á Mogganum Agnesi Bragadóttur, , (og örugglega gömlum samstarfsmanni Árna þar líka) fyrir eitthvað sem á að heita vond orð í hans garð, en lúta að þþví er virðist bara að misgjörðum hans, er hann svo dæmdur var fyrir í hæstarétti! Árna er sem öðrum auðvitað frjálst að tjá sig og sínar skoðanir, en mín vegna mætti alveg setja á hann kvóta hjá blöðunum og í ótímabundið frí frá ljósvakaviðtölum. Annars vildi ég fá rökstuðning fyrir því, hvers vegna hinir síðarnefndu sérstaklega, hafa verið að eltast svo mikið við mannin, hvar sé fundin út þessi eftirspurn frá þjóðinni, sem svo orsakar öll þessi viðtöl við hann!?

ER bara til háborinnar skammar!

Í sjálfu sér ekki mikið um þetta að segja meira, nema að þessar útskýringar eru hreint og klárt yfirklór og til skammar!
Áfengi og íþróttir fara bara ekki saman, ekki frekar en áfengi og akstur.
Það getur vel verið að auglýsingarnar á Rás tvö sleppi fyrir horn, séu innan lagarammans, en sjónvarpsauglýsingarnar margendurgerðu þar sem örlítill ferningur og þá helst í einhverju horninu er settur inn með orðinu "léttöl" eru hins vegar ílla dulbúnar bjórauglýsingar fyrir vöru sem er að öllu leiti eins, undir sama vöruheiti og umbúðum og "léttölið"!
Dómar hafa allavega tvívegis fallið í seinni tíð gegn slíkum auglýsingum held ég örugglega, en hvernig sem þetta velkist, verður kært eða ekki og þá dæmt ólöglegt eða ekki, þá er þetta í öllu falli siðlaust að spyrða svona kinnroðalaust saman áfengisdrykkju við í þessu tilfelli EM í fótbolta!
Í einu helsta vígi fótboltans, Englandi, hafa menn einmitt verið að reyna að skera meir í sundur þessi efni, opnunartími kráa takmarkaður kringum leiki o.s.frv. en hérna virðast menn vegna erfiðs rekstrar m.a. ekki víla fyrir sér að sækja tekjur og það nánast með öllum ráðum!?
En sem ég sagði, er þetta endurtekið efni með sjónvarpið, hefur lengi viðgengist með Meistaradeildina hjá 365 miðlum og reyndar man ég eftir enn verri dæmum af þeim bæ, bjór jafnvel gefin í beinni útsendingu í föstum íþróttaþætti á einni útvarpsstöðinni og það af nú nýráðnum íþróttafréttamanni lágvöxnum til RÚV!
Endurtek bara, að mitt í gleðinni yfir boltanum var þetta og er til skammar!

„Enginn vafi“ á lögmætinu

Þættir um Karþago, ekki missa af þeim!

SEm gamall bókaormur fram eftir aldri og fíkill í fróðleik af öllu tagi, var Rómarveldið til forna sem og Grikkja m.a. sem vakti áhuga.
SVjónvarpið hefur löngum líka verið ötullt við að sýna efni sem tengist þessum tíma og öðrum og nú í kvöld verður fyrri þáttur af tveimur um borgríkið Karþagó, sem Rómverjar stóðu lengi í stappi við, tekin til sýningar.
Þeir sem áhuga hafa á mannkynssögunni og bara af þáttum sem slíkum, ég tala nú ekki um breskættuðum eins og þessir eru, ættu ekki að láta þá framhjá sér fara og það þótt komið sé hásumar og sjónvarpsgláp ætti að vera í lágmarki!
Annars minnist ég þess alltaf með brosi á vör, að í hinum hágöfugu bókmenntum um Ástrík GAllvaska, var Kato, rómverska sagnamanninum mikla með meiru, gert hátt undir höfði og þá hinni frægu setningu sem hann ku alltaf hafa endað sínar frómu ræður á og var eitthvað á þessa leið:

"Auk þess legg ég til að Karþagó verði lögð í eyði"!
Jamm, bækurnar um Ástrík og félaga í Gaulverjabæ úr smiðju Gossini og Urderzo, eru og voru endalaus skemmtun. Barátta þeirra lon og don við rómverja, hefur reynst bæði börnum og fullorðnum mikil skemmtilesning í áratugi!

"Ja hvur gremillinn, þetta er bara alveg eins og...?

Sjáið þið nú til. Ég var að heyra þetta rússneska sigurlag í fyrsta skipti í kvöld, segi það alveg satt, hef ekkert nennt að fylgjast með keppninni!
Nema hvað, eins og svo ótal sinnum fyrr við svipaðar kringumstæður, fór heilinn minn að skransa einvher lifandis ósköp na´nast um leið og lagið byrjaði,því hann vildi koma einhverju allt öðru lagi á framfæri, en þó eiginlega alveg eins að minnsta kosti til að byrja með!
Ekki besti né skemmtilegasti dagur lífs míns, sem kemur þessu annars ekkert við, en gerði það að verkum, að sannleikurinn varð mér ekki ljós alveg strax, eða minnið virkaði ekki fyrr en fyrir nokkrum mínútum.
AUÐÐVITAÐ,
CAT STEVENS
WILD WORLD!!!

Alveg skuggalega líkt sérstaklega í byrjun, en vil nú ekki fullyrða um lagakróka í þessu, hvort stuld sé um beinlínis að ræða!
En hehehe, næstum því 16 eða 17, Baunarnir redduðu þessu upp í 14 sæti.
En voða er Mogginn hérna lélegur að segja frá því, er bara með tölurnar frá fimmtudeginum!?

Rússar unnu Eurovision

Hehe, ekki sammála Eika!

Nei, er ekki sammála mínum gamla góðkunningja og bróður í rokkinu, ég yrði sæll og glaður ef niðurstaðan yrði 16. sæti með ekki betra lag, þótt flytjendurnir séu bæði góð.
Það yrði svo alveg toppurinn ef hin sænska Charlotta eða Karlotta ynni aftur! Eins og það lag er nú leiðnlegt líka!
Finnar eru hins vegar mínir menn, stórgott stuðrokk þar á ferð!
En brjóstin á þeirri sænsku spiluðu stóra rullu '99 þegar hún vann SElmu með útþynntu ABBA lagi.
Núna er hún víst engu minna "Flott á'ðí" eins og sást á fimmtudagskvöldið, svo reyndar sumum þótti nóg um! Hvernig hún verður svo á eftir, þetta að detta á núna, veit ég ekki, en mun örugglega ekki spara sig!
En við spyrjum bara að leikslokum og vonandi skemmtir fólk sér vel, hvernig sem fer.

Charlottu kann ekki að meta,
Krystaltær skoðun er heðan.
Að sigra þó sýnist mér geta,
svona hérumbil strípuð að neðan!

Eurovision: Allt nema 16.

16. sæti!?

Úffpúff!
Miklu leiðnlegra lag en undanfarin tvö ár allavega, en inn fór það semsagt!
Mercedes + hópurinn hlýtur að vera einnkum og sér í lagi glaður núna með þetta!
en annan daginn í röð spáði ég rangt, United vann Meistaradeildina og Ísland fór áfram í Evróinu!
En ekki þýðir að leggja upp laupa, allt er þá er þrennt er, spáin fyrir laugardaginn er jú að sja´lfsögðu 16. sætið!
En einhverjir veðbankar voru búnir að spá jafnvel 8. sæti!
Sjáum til.
En nú segjum við bara þangað til á laugardaginn, eins og Sylvía Nótt...

....Til hamingju Ísland!!!

Ísland áfram í Eurovision