Nei, HÆTTA er nú á því!

Get nú ekki sagt að ég hafi verið tónlistarlegur aðdáandi, þó ég þekki einstök lög hans eins og margur fleiri. Slade, Sweet, Nazareth m.a. voru meir í deiglunni í kringum mig á þessum árum og sveitirnar tvær fyrstnefndu meir áberandi minnir mig he´rlendis í glys- og glamúrrokkinu um og eftir 1970.
Hef því lítið við það að athuga ef karlinn kemst aftur á ról í rokkinu, en óttast nú frekar að hann sé nei sannarlega ekki hættur þeirri yðju sem hann situr inni fyrir. Barnaníðingum og öðrum kynferðisafbrotamönnum er nefnilega mörgum hverjum ekki viðbjargandi, þeir haldnir einhverri meiriháttar sálarvillu er dregur þá til þessara óhæfuverka sem að leggjast á börn.Eina ráðið oft á tíðum að hafa strangt eftirlit með viðkomandi og koma þannig í veg fyrir eða útiloka sem mest að glæpir hans endurtaki sig!
hvernig þetta verður með Glitter er hins vegar á huldu og fylgir ekki fréttinni.

Gary Glitter er hvergi nærri hættur

VAndamál í víðáttum geimsins!

Auðvitað var þetta skoplegt í öllum sínum alvarleika, en vandamálið nú semsagt vonandi leist!

Þeir segja að vanti ei vitið,
í vísindum, hvert sem er litið.
SAmt geimfaragrey,
gátu nú ei
Um tíma skammarlaust skitið!?

Geimsalernið komið í lag

Jákvætt!

Já, út af fyrir sig jákvætt og segir manni að samkynhneigðir karlar allavega hérlendir sem og aðrir sem leita ævintýra hjá ónefndum kvennastarfstéttum á vissum stöðum í útlandinu eða bara eru kærulausir um hvernig þeir "sletta úr klaufunum", eru fáir eða heppnir þá eftir atvikum hvað varðar sárasóttina. En margt fleira að varast eins og fram kemur, m.a. lekandafjáran auk svo auðvitað HIV smits. Nei, aldrei of varlega farið í náttúrunnar- og nautnaglímutökunum! Áður fyrr tengdi maður slíka sjúkdóma fyrst og siðast við sjóara og slíka ferðalanga er keyptu sér glaðning á þá tíðum ferðum til erlendra hafna að selja fisk. En nú er öldin önnur og enngin maður með mönnum, eða svo gott sem, sem ekki hefur ferðast út og suður um allar heimsins trissur! Þeim mun meiri ástæða því til að "passa pinnan" og "sitt dýra skaut"! En svona mun þetta já hafa gerst allavega forðum daga.
EFtir heita nautnanótt,
napurt oft er gengið.
Margur hefur sárasótt,
í "Sæluhúsum" fengið!

Engir greindust með sárasótt á síðasta ári

Þessu fögnum vér!

Allt orkar tvímælis þá gjört er, segir máltækið, en eitt af því jákvæðara sem hefur verið að þróast í læknavísindunum og hefur vakið hvað mestar vonir um að sigrast á mörgu meininu, eru þó einmitt stofnfrumuígræðslur, ýmist úr fósturvísum eða úr fylgjum og svo með ræktun, sem viss áfangi hefur náðst í!
Ýmsir strangtrúarhópar til dæmis í Bandaríkjunum og víðar hafa þó viljað sporna við þessu, skýrskota m.a. til siðgæðis og biblíusjónvarmiða auk þess sem sumir eru hræddir við einræktunardaraugin, en aðrir eins og ég sjá aðra hagsmuni og veigameiri vega þyngra og vilja leyfa slíkar ígræðslur og þróun á þeim!
Á sviði augnlækninga sjá menn til dæmis fram á mikla sigra og telja með slíkum ígræðslum að líkindum hægt að lækna ýmsa kvilla t.d. sökum erfðagalla, sykursýki og fleira.
Vonandi fer bara þetta frumvarp sem fljótast og best gegnum þingið, menn hræðist ekki kjarnaflutningana sem minnst er á að verði leyfðir í undantekningartilfellum, það dettur engum heilvita vðísindamanni í hug hér a reyna slíkt glæfraspil og í raun engin forsenda fyrir að ætla slíkt!
Hef allavega einu sinni svo ég man hlýtt á Þórarinn Guðjónsson fjalla um þessi mál og það hefur nægt mér til að sannfærast um að slíka vísindastarfsemi ætti að leyfa með sanngjörnum en auðvitað vel skilyrtum lögum í þágu framfara í læknavísindunum!

Stjórnvöld vilja heimila að nota stofnfrumur til rannsókna

Guð blessi regnið!

Já, ég segi nú bara ekki annað og vonandi safnast svo þetta mikla úrkomumagn vel saman svo not verði af!
En að þetta mikla magn mælist á Ölkelduhálsi, verður til þess að frábær vísa rifjast upp um steypiregn á ónefndum stað, þar sem ég held örugglega minn ofursnjalli hagyrðingur og sveitungi Káinn, hafi eitt sinn setið já að sumbli og ort til húsráðanda væntanlega!

Regnið ört að foldu fellur,
fyrir utan gluggan þinn.
Það er eins og milljón mellur,
mígi í sama hlandkoppinn!

Óvenjumikil úrkoma

Hyllum Forseta vorn!

Eins og yfirgnæfandi hluti kjósenda, hef ég í stórum dráttum verið ánægður með Ólaf Ragnar í Forsetaembættinu!
VAr þess þó vel meðvitaður og lá ekki á þeirri skoðun þó, að menn yrðu að horfast í augu við það að ef stjórnmálamaður yrði kjörin að nýju, yrðu ef til vill og nánast örugglega deilur og þarf nú ekkert að taka fram að svo varð og heldur betur hressilega!
En þarna fyrir 11 árum var hann bara langbesti kosturinn!
Þetta sem og margt annað, fer sjálfsagt fyrir brjóstið á einhverjum, en mér finnst ólafur Ragnar hafa staðið vel í megindráttum varðandi þessi umhverfismál öll saman og halda á lofti þessum hugsanlegu slæmu afleiðingum af mengun af manna völdum á loftslagið!
N'u er svo bara spurningin þegar þriðja kjörtímabilið er langt komið, hvort Ólafur og hans yndislega frú, vilja "taka slagin" fjögur ár í viðbót!?
Þjóðin sjálf af stærstum hluta áreiðanlega alveg til í að hafa hann áfram!

Forseti Íslands verðlaunaður fyrir baráttu gegn loftlagsbreytingum

En það er fleira!

Athygliverð þessi herferð já hjá Tjöllunum, en hygg samt að fleira megi nú tína til.
Hvað til dæmis með allt sem fólk hefur í vösunum dagin út og inn? Nefni sérstaklega farsímana, hvort sem bannað er svo að nota þá eða ekki á sjúkrahúsunum! Langt síðan ég heyrði fyrst kenningar um að þeir gætu verið smitberar, en þeir ekki nefndir í fréttinni!

Hálsbindi bönnuð á breskum sjúkrahúsum

Heldur snemmt!

Já, heldur þykir manni snemmt að vetra taki og ennþá ekki komið eiginlegt haust!

Hrollkalt fyrir austan er,
allt nú þakið mjöllu.
Já, sumarlok í september,
sýnist mér á öllu!

Afar óvenjulegt að snjó festi sunnanlands um miðjan september

SVíar eru "Séní"!

Veit að ég fer í taugarnar á mörgum með þessari fyrirsögn, en í henni er bara mikill sannleikur og því ekki til dæmis tilviljun að við vinnum þá nánast aldrei í íþróttum, þeir líka góðir í flestu eða öllu!
Hins vegar í snillinni sem hérna birtist, er kannski líka falin innbyggtg vandamál. Viljum við eða höfum við vit á að láta þessa bílamaskínu hafa vit fyrir okkur!?
Munu mestu ökuglannarnir fá sér nýjan Volvo í haust, að maður tali nú ekki um hina "Stabílistu Stúta"?
Efast nú aðeins um það, nema að einhverjir VITRINGAR hafi frá fyrstu hendi VIT fyrir VITLEYSINGJUNUM og plati þá bara til að fá sér Volvo!?
Best væri nú ef hugmyndir sem heyrst hafa og held ég frá Mercedes, að sjálfstýringarbúnaði með GPS tækni eða annari slíkri, verði komið í gagnið, þá gætu STútarnir líka kannski komist samviskulaust á milli staða auk fleira fólks á borð við blinda kannski!?

Volvo-bílar hafa vit fyrir ökumönnum sínum

Hið alvarlegasta mál!

EF þetta verður upphafið af fleiri "Sprengingum" í þessum efnum, sýnist mér vera margþætt svartnætti framundan!
FEgrunarlækningar færu auðvitað smátt og smátt í vaskin og "Fegurð mannlífsins" færi þar að leiðandi aftur um aldir, undir yfirborð þykkra klæða í forvarnarskyni við "Býflugnaplágunni miklu"!
Að vísu segir í fréttinni, að konan sé mjög grönn og allt það, en það skýrir ekki hví "Blaðran sprakk" samt, ef hún á að þola allt að 200 kg. þrýsting!?
Já, bara hið alvarlegasta má sannarlega, sem bregðast verður hið skjótasta við!

Slegnar eru hrundir harmi,
um heimsins ból.
Ei meir flíka, "Fylltum barmi",
í flegnum kjól!

Býfluga gerði gat á fyllingu í brjósti