Röddin ómar, en...!

Dylan, Robert Zimmerman, er auðvitað einn allramerkasti tónlistarmaður tuttugustu aldar, allavega í heimi söngvaskálda af hvíta kynstofninum!
En seint hefur hann nú verið sakaður um raddfeguðr eða blíðan söng, en er auðvitað miklu frekar stílisti og túlkandi á sinn sérstaka hátt!

Að Dylan er dálítið spes,
drengur ég auðvitað veit.
En röddin og frægðar hans fés,
finnst mér nú minna á geit!

Rödd Dylans ómar í Kaupmannahöfn

Athugasemdir

[Jens Guð, 6.12.2009 kl. 02:31]

  Mér varð á að skella upp úr við lestur þessarar skemmtilegu vísu.

[Stefán Sigurðsson (IP-tala skráð) 6.12.2009 kl. 09:57]

Bob Dylan var líka hugsuður, friðarsinni, ljóðskáld og stjórnmálamaður, þó svo að hann hafi aldrei setið á þingi. Hann hafði áhrif á heilu kynslóðirnar með hugsun sinni og boðskap sem komu fram í textum hans. Ég myndi segja hann vera einn merkasta tónlistarmann síðustu aldar að þeim blökku meðtöldum. Hann er jafn stór ef ekki stærri en Elvis, Bítlarnir, Louis Amstrong og B.B. King ...

Kveðja úr borginni votu ...  

[Magnús Geir Guðmundsson, 6.12.2009 kl. 18:38]

Alltaf gaman að geta glatt þig, Jens gamla tryggðartröllið!

Jájájá Stebbi minn, þetta er ugglaust allt rétt, en hér var það bara grínið sem var á dagskrá, fyrirsögnin svo fyndin fannst mér á fréttinni!

[Húnbogi Valsson (IP-tala skráð) 7.12.2009 kl. 12:20]

Ég hef heirt þó nokkra segja að hann sé ofmetnasti listamaður í heimi. Sjálfur vil ég hafa Prince eða Britney í þeirri stöðu. Annars finnst mér röddin hans og rödd Megasar ótrúlega líkar.

[Stefán Sigurðsson (IP-tala skráð) 7.12.2009 kl. 15:06]

Hann syngur kannski ekki eins og Ella Fitzgerald né að hann hafi tónsvið hennar. En ég myndi aldrei segja að hann hefði leiðinlega rödd. Hún er mjög sérstök og hentar vel í þjóðlagarokkið sem hann spilar. Hins vegar hef ég heyrt að hann sé algjörlega misheppnaður á tónleikum, og á það helst við seinni tíð. Á sjöunda áratugnum var hann bestur - í hljóðveri sem og á sviði.

[Magnús Geir Guðmundsson, 9.12.2009 kl. 00:35]

Tómt rugl Húnbogi af þeim sem leyft hafa sér að telja hann ofmetin, engin rök fyrir því. Ásamt Leadbelly Woody Guithrie og fleiri slíkum jöfrum, er nú Dylan llíka ein helsta fyrirmynd Megasar.

Ekki skrýtið þótt hann hafi ekki staðið sig á tónleikum m.a. þegar hann kom hingað í höllina, var svo drukkin, dópaður og þar að leiðandi ílla haldin.