Ótrúlegt klúður Keflvíkinga, en til lukku Hafnfirðingar með sigur á mjög skemmtilegu Íslandsmóti 2008. Dæmið frá 1989 snérist við!

Um eða rétt eftir miðjan seinni hálfleik er ég fylgdist vel með, var ekkert sem benti til þessa, ÍBK að vinna Fram 1-0 og FH jú líka að vinna Fylki, en aðeins með einu marki. Vonbrigði suðurnesjamanna finnast svei mér þá alla leið hingað norður og pínu kenni ég í brjósti um Kristján þjálfara þeirra, þjálfaði jú Þór með þokkalegum árangri fyrir nokkrum árum! En rosaleg lok já og óvænt á í heild mjög skemmtilegu og frísku Íslandsmóti karla, fjölgunin í deildinni greinilega til góðs, allavega í þessari fyrstu atrenu! En mikið held ég að Heimir Guðjóns þjálfari FH hugsi hlýtt til hans Þorvalds Örlygs, Todda, þjálfara Fram, en ég man nú ekki betur en þeir hafi spilað saman í KA um árið, en gæti þó misminnt um það! Ogogog, FH-ingar sem komnir eru nokkuð á legg og muna 19 ár aftur í tíman, vilja nú sjálfsagt meina að réttlætinu hafi verið fullnægt, en þá voru þeir sjálfir einmitt í sömu stöðu eða svipaðari og ÍBK nú! Þá var andstæðingurinn einmitt sá sami og í dag, Fylkir, en líkt og Keflvíkingar á sínum heimavelli, töpuðu þeir og já einmitt KA vann sinn fyrsta og eina Íslandsmeistaratitil! Og hverja skildu þeir bláu hafa unnið? Jú einmitt (aftur og enn) ÍBK þar sem Jonni Kristjáns skoraði m.a. síðasta markið man ég! Skemmtileg söguleg hliðstæða ekki satt!?

FH Íslandsmeistari 2008

Athugasemdir

[hörður halldórsson (IP-tala skráð) 27.9.2008 kl. 18:26]

Ég er vonsvikinn með Keflvíkinga ,þeir voru nánast með aðra hönd á bikarnum,

var samt smeykur að FH-ingar væru að ná vopnum sínum  aftur um síðustu helgi .Fannst komin tími á að bítlabærinn fengi bikarinn eftir öll þessi ár .

[Magnús Geir Guðmundsson, 27.9.2008 kl. 18:31]

Takk Hörður. Þetta var já örlagaþrungið í meira lagi, fagur draumur ÍBK breyttist á svipstundu í martröð!

Eftir á að hyggja, þá urðu þeir kannski værukærir, ómeðvitað eða ekki, enda umtalið líka þannig fyrir helgina, að þetta væri í raun bara formsatriði fyrir þa´ að klára dæmið!

[arnar valgeirsson, 27.9.2008 kl. 19:04]

toddi semsagt tók keflavík í lokaleiknum bæði 89 og 08 og varð örlagavaldur hjá Fylki og FH. jebbs, rétt hjá þér.

ánægður með todda en hefði unnt keflvíkingum þetta nú. ekki spurning.

áfram KA, Leeds og Fram. jebbs, maður er pínu geðklofi í boltanum stundum. þó hjartað sé gult inn að innstu þráðum.

[Magnús Geir Guðmundsson, 27.9.2008 kl. 19:52]

Haha, heyri að þú mannst þetta! En er þér alveg sammála með ÍBK, eftir 35 ár voru þeir með þetta nánast, sannarlega stutt á milli hláturs og gráturs hérna!

[Steingrímur Helgason, 28.9.2008 kl. 00:11]

Sem Frammara samt, fannst mér þetta sárt fyrir suðurnezjaliðið.

Bara boltanz vegna ..

[Magnús Geir Guðmundsson, 28.9.2008 kl. 01:29]

Sem ég segi og sagði, sanngirni og réttlæti ekki til í boltasparki!

En Kristján og lærisveinar hans geta nú líklegast engum kennt um nema helst sjálfum sér og því kalla ég þetta ekkert annað en klúður!

[Gulli litli, 28.9.2008 kl. 10:53]

Ég kvitta en les ekki íþróttabull..

[Magnús Geir Guðmundsson, 28.9.2008 kl. 15:57]

Allt í góðu Gulli,

gerir ekkert til

Þótt sleppir boltabulli,

blessaðan þig skil!

En hví ég segi þetta svona, skilur þú kannski ekkert í!?