Nú er hann Jói glaður!

4.5.2008 | 16:43

Hefði einhver haldið því fram við upphaf tímabilsins að SToke City myndi fara beinustu leið upp í úrvalsdeildina á komandi vori, hefðu flestir eða allir bara hrist höfuðið og sagt slíkt bara bull!
Jafnvel harðir stuðningsmenn höfðu ekki of mikla trú á liðinu, leikmannahópurinn hvorki stór né sterkur og óvissa yfir höfuð með hvernig gengið yrði. tímabilið 2006 til 2007, missti liðið að vísu á síðustu stundu af umspilssæti, en en árangur þess tímabils var samt mjög góður.
Meðal þeirra sem ekki var neitt sérstaklega bjartsýnn á gengi Stoke í vetur, var minn kæri vinur Jóhann Skúlason, búsettur í gautaborg í Svíðþjóð til rúmra tveggja áratuga, en ég held mér sé óhætt að fullyrða að meðan Stoke var enn í eigu Íslendinga á sl. áratug, varð hann einn þekktasti stuðningsmaður liðsins frá Íslandi, ef ekki bara sá þekktasti!
Hefur nánast frá frumbernsku fylgt félaginu að málum og verið óhræddur við að minna menn á hetjur liðsins á borð við Sir Stanley Matthews og Gordon Banks auk fleiri.
Óteljandi ferðir hefur hann farið til Englands að styðja sína menn og ekki látið deigan síga þótt leikirnir sem farið hefur verið á, hafi stundum tapast og það ílla!
Veit ekki betur en kappinn hafi verið á vellinum í dag og mikið lifandi skelfing veit ég já hvað hann er glaður núna!
Innilega til lukku gamli félagi!!!

Nú gætu hins vegar fyrrum íslenskir eigendur félagsins og stjórnendur, Magnús Kristinsson, ásgeir Sigurvinsson, Gunnar gíslason og jafnvel STeini karlinn Villa m.a., örugglega hugsað sér að vera eigendur þess ennþá, því þessi frábæri árangur þýðir að tugir milljóna punda koma nú í kassan, allavega 40 til 50 held ég!
En gert er gert, þeir ákváðu að selja og ekkert meir við því að segja!
Aðdáendur Stoke á Íslandi, sem ég held að enn séu nokkrir, fá svo einnig hamingjuóskir hér að lokum!

	WBA og Stoke City í úrvalsdeildina
Ábyrgðarmaður færslu Tilkynna um óviðeigandi tengingu við frétt

Flokkur: Enski boltinn | Facebook

Athugasemdir

Þeir fá eitthvað í sinn vasa gömlu íslensku eigendurnir. Í kaupsamningnum var ákvæði um að ef liðið kæmist í úrvalsdeild yrði kaupverð félagsins hækkað.

arnar (IP-tala skráð) 4.5.2008 kl. 17:20

Jájá, ágætt fyrir nokkurn hóp manna að skipta á milli sín tveimur m. punda, um 300 m. ísl. líklega eða svo, en það er bara ekkert í samanburði við það sem hér var um rætt, en talið er að sætið í úrvalsdeildinni færi félaginu, eigendum þess þar með, sem nemur TUGUM MILLJARÐA í íslenskum krónum!

Menn hafa nú séð eftir minna er ég hræddur um, þú sem nefnir þig ARna¨r!

Magnús Geir Guðmundsson, 4.5.2008 kl. 19:43

áfram Leeds

Einar Bragi Bragason., 6.5.2008 kl. 01:39

stoke Hva.. -eru norðanvinir eitthvað grömpí í dag..??

Fyrri myndin er augljóslega handa Jóa glaða og hans mönnum til heiðurs. Sú seinni er sérvalin handa yrkjandi boltalandi.. Segðu svo að maður geri ekki allt... well helling allavega.. til að létta þér lundina.