Synd að sigra ekki á 95 ára afmælisdeginum!

Íþróttafélagið ÞÓR er 95 ára í dag!
Sigur hjá strákunum hefði því verið kærkomin afmælisgjöf og góður meðbyr fyrir framhaldið eftir leiðinda þjálfaraskipti á dögunum.
Miklir yfirburðir og næg færi, en svona er boltin sem endranær, það verður að nýta færin og Þórsarar hefðu greinilega átt að vera búnir að skora fleiri mörk áður en Skagamönnum tókst að jafna.
En engu að síður, til hamingju með bdaginn Þórsarar!

ÍA og Þór skildu jöfn, 1:1

Athugasemdir

[Jens Guð, 11.6.2010 kl. 01:26]

  Allt annað:  Fyrir tveimur árum spurðir þú mig um plötuna   Comicopera  með Roberti Wyatt.  Ég var seinn til svars því ég var ekki nógu ánægður með plötuna.  Renndi yfir hana nokkrum sinnum og þótti hún þunglamalegur djass og tilraunakennd.  Ákvað að leggja hana til hliðar og hliðra til fyrir fyrir auðmeltari plötum.  Í gær fékk ég fyrirspurn frá manni sem var að uppgötva fyrstu sólóplötu RW,  The End of the Ear. 

  Í kjölfar fyrirspurnarinnar dustaði ég ryk af  Comicopera.  Núna fatta ég ekki hvers vegna ég "náði" plötunni ekki á sínum tíma.  Hún er dúndur góð.  Hún var víða á listum yfir bestu plötur ársins 2007.  En ekki hjá mér.  Þó tel ég hana eiga heima þar.  

  Lögin eru seintekin.  Sum samin í samvinnu við Brian Eno.   Brian kemur að öðru leyti við sögu aðeins í tveimur lögum sem hann er ekki höfundur að.  En þarna er lið eins og Paul Weller (Jam) á gítar sem og Phil Manzanera og píanóleikarinn David Sinclair.