NEI!

West Ham nælir nefnilega í eitt stig að minnsta kosti!

Fer Chelsea á toppinn?

Vandræðalegt já!

Við skulum ekki víla hót,
það varla léttir trega.
Það er þó ávallt Búmannsbót,
að bera sig karlmannlega.

Já, þessi margfræga vísa Fjallaskáldsins, sem ég vona að ég muni rétt, kemur nú upp í hugan við þessi viðbrögð formanns D flokksins við þessum afdráttarlausu orðum hins forystumannsins í stjórninni, Ingibjargar Sólrúnar, formanns S!
karlinn Geir reynir já að bera sig karlmannlega, en eins og svo oft áður í seinni tíð er þetta heldur vandræðalegt og lítt sannfærandi í ljósi þess að nokkrum stundum áður höfðu tveir af áhrifamestu ungþingmönnum D birt grein í Fréttablaðinu um að þetta þyrfti nú NÁKVÆMLEGA að gera, að fara á fullt skrið með hugsanlega aðild að ESB!
En kannski vissi Geir ekki af greininni, veit ekki!?
Allavega er Ingibjörg ekki neitt að segja D flokknum fyrir verkum, var bara að svara því í þættinum frá sjónarhóli síns flokks, hvað gerðist ef D vill ekki stíga þetta skref á landsfundinum!
SVo kemur aftur á móti bara í ljós hvort þessi orð hennar standa þegar og ef landsfundur D hafnar ESB eða að kanna aðildarviðræður, reynslan kennir nú að í pólitíkinni standa nú orð og yfirlýsingar ekki beinlínis alltaf sem stafur á bók væru!Atburðarásin fram í enda janúar að þessi fundur verður haldin, getur alveg eins þróast svo að allt önnur sjónarmið eða aðstæður verða uppi!
Við sjáum bara til og munum!
En sömuleiðis,ef S flokkurinn stendur nú fastur á þessu, er það bara eins og þar stendur og segir í spekinni, að "Sá á kvölina sem á völina", D verður þá bara að velja eða hafna varðandi stjórnarsamstarfið og takast þá væntanlega á við kosningar líka í framhaldinu!

Ummæli Ingibjargar hafa ekki áhrif á landsfund

Fjas - Fjórða jafnteflisklúðrið!

Þetta fjórða jafntefli á heimavelli og það þriðja í röð, staðfestir að brotalöm er í Rauða hernum, sem gæti orðið dýrkeypt er upp verður staðið og það sem verra er, gefur Chelsea nú aftur kost á efsta sætinu og Man. Utd. að minnka bilið frekar ef liðinu tekst að sigra leikin við Fulham sem það á líka til góða!
Sama upp á teningnum og í hinum jafnteflisleikjunum hvað það varðaði að glata mörgum tækifærum til að skora sigurmarkið, nema hvað að fyrri hálfleikurinn var svipaður og gegn Wigan á sama velli t.d. og Man City úti, liðið byrjaði ekki leikin og var með ótrúlegum hætti komið 0-2 undir eftir stuttan tíma, en kom svo sterkt til baka og jafnaði. Þökk sé Gerrard, en bara ekki hægt að ætlast til þess að hann sjái um þetta einn þótt góður sé!

En eins og áður, þýðir ekkert að láta þetta mikið lengur pirra sig, forystan tvö stig og Chelsea á vissulega enn eftir að sigra sinn leik og sömuleiðis á United enn eftir að sigra Tottenham.

En aðalfjasið er samt eftir!

AÐ hlusta á GG er nánast ÁÞJÁN!

Lýsandi leiksins í dag var Guðjón nokkur Guðmunds og þó ég hafi nú sagt mitt miður góða álit á honum fyrr við sömu aðstæður, þá verð ég aðeins að ítreka það núna!
Hann hefur fengið að lýsa fótbolta í 11 ár, sem einfaldlega er einn versti brandari íslenskrar íþróttasögu!
Endalaus æsingur bara við að boltanum er sparkað í átt að vítateignum, upphrópanir og þá oftar en ekki í einhverju nánast vanvitaformi manns sem ætla mætti að sæti heima að horfa með bjór í annari en fjarstýringuna í hinni og svo ílla dulin hlutdrægni oft á tíðum í tilfellum er hann lýsir einmitt Liverpoolleikjum, hafa einkennt hann frá upphafi, sem og sömu leiðindabjánafrasarnir, þannig að gjörsamlega óþolandi er!Og ekki bætir svo úr skák er hann í hita leiksins áttar sig smástund á að hann er ekki alveg í lagi, kannski "aðeins" of æstur eða hlutdrægur, og byrjar þá að slá endalausa varnagla eins og eitt frasaleiðindið sem oftar, að "ekki megi afskrifa.." og skiptir þá ekki máli þótt staðan sé JÖFN eins og í dag þegar snillingurinn kom með þetta einu sinni sem oftar eftir stóryrtar yfirlýsingar um allavega tvo leikmenn í Liverpoolliðinu, annars vegar væri annar "Frábær" en hinn "Yfirburðamaður á vellinum" m.a.!
Maðurinn ætti helst ekki að koma nálægt fótboltalýsingum og fyrir löngu sannaði hann reyndar með t.d. yfirlýsingum um fótboltamenn annars staðar en í hans nánasta umhverfi, að líka væri athugunarvert að láta hann yfir höfuð tjá sig um íþróttina! Og "Sérfræðiþekking" hans á handbolta hefur nú líka verið ofmetin, allavega miðað við margt sem hann hefur líka látið falla á þeim vettfangi, en það nenni ég ekki að rifja upp hérna!

EN.. hann má samt alveg eiga það sem hann ku eiga, vera skemmtilegur að vinna þætti með viðtölum við börn og fullorðna í gríni þá helst og að vera alveg ágætisnáungi "utan vallar", söngvari ágætur o.s.frv. að því ógleymdu auðvitað að hafa "framleitt" ásamt kvinnu, einn af okkar bestu handboltamönnum, Snorra Stein, ekki stendur á mér að láta það koma fram!
Fékk hins vegar alveg nóg í dag og varð aðeins því að "Spræna" hressilega þess vegna!
og ég veit að flestir vita og viðurkenna að þetta er rétt með karlinn!

Hull náði jöfnu gegn Liverpool á Anfield

FÖgnum með Hr. Rokk í huga!

Til hamingju með daginn góðir landar, njótum hans sem best í (jóla)dagsins önn og amstri, hlustum á eða bara raulum fyrir munni eitthvert uppáhald með íslenskum tónlistarmönnum og síðast en ekki síst, hugsum hlýtt til Guðmundar rúnars Júlíussonar, Rúnna Júll, sem með mjög svo táknrænum hætti verður einmitt borin til hinstu hvílu í dag!

Og notið endilega tækifærið ef þið hafið tíma í dag og nægt pláss í tölvunum til að hlaða niður einhverjum af þessum fjölbreyttu lögum, skemmtilegt og lofsvert framtak.
Og munum svo líka öll sem á annað borð getið og ætlið að gefa gjafir,

VELJUM ÍSLENSKT!

Það er allavega mín fyrirætlun og fer sjálfsagt strax í það í dag, að finna eitthvað til jólagjafa!

Tónlistargjöf á mbl.is

Gáfaður en of sjaldan...!

Mín indæla og ofuraðlaðandi bloggvinkona, Hólmdís H., er ekki feimin heldur og var sjálf að leggja út af þessari fregn með fyrirsögninni "Þetta grunaði mig"!
Ég er stundum að ærslast í henni, reyna pínu að "þvælast í pilsunum hennar" og svona og þarna gat ég nú ekki stillt mig og setti m.a. þessa vísu hjá henni í athugasendakerfið! (og reyndar vitlaust fyrst!)

Gáfaður er Geiri ég,
glæsilegur maður.
Sáðlát mín þó svaka treg,
sjaldan enda...-tilítuskið-!?

Gáfaðir karlmenn framleiða betri sæðisfrumur

Ætli nokkur myndi vilja dúndra einvherju í Siv sætu?

Dreg það nú stórlega í efa, tímasetningin ílla ígrunduð hvað þetta snerti, liðið hefði auðvitað átt að tékka á því fyrirfram hver hefði orði er það lét til skarar skríða, Einar Guðfinns til dæmis sem hérna þóttist svo svaka "svalur" en var auðvitað skíthræddur! En Siv semsagt allt of sæt til að vera grýtt auk þess sem hún er "Frammari" og þeir sjá um eigin "Stórskotahríð" alveg sjálfir! En auðvitað má gantast með þetta ofurlítið og það þótt auðvitað alvarlegt væri! Hrædd var já um sjálfa sig, Siv og vildi flýja. En engin vildi "þrus'í þig", þrýstna glæsipía!?

Siv: Vildi helst hlaupa í felur

Hvíl í friði, kæri Eldhugi!

Það eru alltaf sorgartíðindi er eldhugar og afreksmenn, kveðja okkur langt um aldur fram! Það á svo sannarlega við um blessaðan drengin hann Rúnna Júll, eilífðarunglingin með stuð í hjarta! Á honum sannast hið fornkveðna enn einn gangin, að "Hetjurnar deyja jafnan ungar". Kynntist rúnari um 1990 - 1991 er ég nýlega hafði byrjað að starfa við blaðamennskuna. Fyrst minnir mig var það í tengslum við hans eigin útgáfu og þá lítillega, en svo kynntumst við að marki er Rúnar og Bubbi, GCD ævintýrið fór á fullt.(þá kynntist ég einmitt bubba fyrst líka) Í fáum orðum sagt er Rúnar mér fyrst og síðast kær í minningunni fyrir hversu ljúfur, einlægur, hreinn og beinn hann var í allri framkomu, aldrei vottur af einvherjum "Stjörnuhroka" eða merkilegheitum! Þá stóðst alltaf það sem hann sagði undantekningalaust, því kynntist ég fljótt að var honum eiginlegt! Margir eiga Rúnari mikið að þakka og með honum er fallin frá einn af allramerkustu og bestu ROKKSONUM þjóðarinnar! Um leið og öllum hans ættingjum og vinum eru sendar hugheilar samúðarkveðjur, vil ég skora á alla er muna Rúnar og hafa haft gaman af hans tónlist, að ROKKA FEITT honum til heiðurs, þannig vill hann örugglega að fólk minnist hans! Hvíl í friði Hr. Rokk!

Rúnar Júlíusson látinn

GEIRAVÍSUR!

-Skruddan skýtur upp kolli á ný.

Þrátt fyrir kreppu sem krafsar og klórar í þjóðina og sannar okkur svo ekki verður um villst, að “Valt sé veraldargengið”, heldur lífið nú samt áfram og hinir föstu punktar í því halda sömuleiðis sínu striki, koma og fara.
Þar með talin er blessuð jólahátíðin með öllum sínum siðum og venjum, skreytingum, gjafastandi og vonandi hjá sem flestum, gleði og friðartími að ógleymdu átinu!?

Ég hef nú eins og sumir hafa orðið varir við, minnt á það áður við upphaf jólamánaðarins, að fyrir nokkrum árum gaf ég út svo frekar lítið bar á, litla bókarskruddu með eigin kviðlingum ýmsum.
Enn á ég nokkur eintök af henni ef ef einhvern skildi nú vanta litla gjöf og ódýra af þessu tagi. Geta þeir sem hugsanlega hafa áhuga, sent mér póst og kannað málið frekar, fengið nánari upplýsingar.
N’u ef svo það eru aðrir sem langar kannski bara í bókina handa sjálfum sér, þá er þeimauðvitað líka velkomið að hafa samband, nema hvað!

[e-mail]
[e-mail]

Rutla skutla og Lára Hanna afmælisbarn!

Hin nokk svo hressa bloggynja, rut Sumarliðadóttir, brást svo við í athugasend hjá vinkonu minni henni Hildi Helgu Sigurðardóttur, að fullyrða að “Kynlíf væri betra á borði en í orði”! Eins og venjulega gat ég nú ekki setið á mér við slíkt tækifæri og slengdi þessu fram:
Viðkvæman hér vífið hlut,
Viðrar léttu orði.
Löngum hefur legið Rut,
LOSTAFULL á borði!?

Ég átti nú von á einvherju til baka, en þessar ljúfu og auðvitað lífsreyndu snótir, kipptu sér hins vegar ekkert upp við þetta og Rut segist nú heldur aldrei hafa verið neinn “Púritani”! Svo er það hún Lára Hanna, afmælisbarn dagsins, sem fékk litla kveðju eftir pöntun! Fótboltaleikurinn sem fjallað er aðeins um hér að neðan, stóð þá enn sem hæst er ég skutlaði kveðjunni til hennar og er það skýringin á fyrripartinum!
Sínu kvæði í kross nú vendir,
Karl úr bolta í einum grænum.
Hér mæta kveðju Maggi sendir,
“MEGABEIBI” í Vesturbænum!

Leiðindaströggl!

Eiginlega já í einu orði sagt, annað 0-0 jafnteflið á heimavelli í röð og á Anfield hefur liðið nú ekki skorað nema eitt mark í þremur leikjum í röð!
Það gengur auðvitað ekki til lengdar, geta ekki nýtt færi, sem reyndar voru ekkert of mörg, en samt næg til að skora allavega eitt mark auk þess sem Liverpool fékk ógrynni af hornspyrnum!
Áhyggjuefni, en ljósið í myrkrinu er að stígið sem fékkst dugði til að taka toppsætið, en betur má nú ef duga skal svo það haldi til langframa!

Liverpool á toppinn þrátt fyrir markalaust jafntefli