Seiseisei, Sörinn bara orðlaus!

Hahaha, já það segir meira en þúsund orð að sjálfur Sörinn Alex Ferguson verður orðlaus
En æstir og "alltaf svo hlédrægir" aðdáendur Man. Utd. hérlendis ekki síst, eru þó væntanlega með gildar skýringar á reiðum höndum!?
En svona himinhrópandi niðurlægingartap verður samt ekki skýrt svo glatt!

Ferguson orðlaus yfir frammistöðu sinna manna

Hætta á ferðum!

Þegar þessi mikkli fyrrum Sovétskörungur tekur til máls, er enn hlustað og örugglega eitthvað tekið mark á líka!Og karli virðist full alvara hérna!

Úti er Gorba griður,
glittir í svipin stranga.
Því Jósef "járntjaldssmiður",
jafnvel mun aftur ganga!

Gorbatsjov varar við endurfæðingu Stalínismans

Ætti ég kannski að flytja til Noregs?

Nú veit ég ekki hvort ég á að hlægja eða gráta!
Noregur er númer eitt á listanum yfir mestu velmegunarþjóðir heims, næst á undan okkur Íslendingum samkvæmt einhverjum nýjum athugunum/lista.
En eitthvað hlýtur skólakerfið svo undarlegt sem það nú er í olíuveldinu að hafa klikkað samkvæmt þessu!
Ég er nú með "Stórglæsilegt" stúdentspróf í viðskiptafræðum, sem nýttist mér reyndar ekki nema svo sannarlega í einu?
Jú einmitt, ég varð bara býsna glúrin í að skrifa ensk viðskiptabréf, reyndar svo, að þau skipta í dag mörg hundruðum ef ekki þúsundum, sem ég hef skrifað fyrir mig og aðra til dæmis varðandi vöruinnflutning á um 20 ára tímabili rúmu!
Og aldrei man ég eftir svo mikið sem einni kvörtun, hvað þá að ég hafi móðgað nokkurn mann!
Ég eigi því bara hérna óvænta nýja tekjulind og ætti já kannski bara að vippa mér yfir í eldgamla kónungsríkið'!?

Verða af viðskiptasamningum vegna lélegrar enskukunnáttu

Umferðarómenning!

Íslendingar hafa aldrei upp til hópa getað hagað sér vel í umferðinni, brjóta reglur hennar þvers og kruss, saga er það gömul og ný og þetta bara staðfesting á því enn og aftur!

Skýlaust lýsi skoðun minni
og skorinort.
Hraðakstur á Hringbrautinni,
er heimskra sport!

Hraðakstur á Hringbraut

Gullkálfur!?

Gefur Rauða hernum væntanlega aftur frekari byr í seglin fyrir komandi stórátök í deildinni heima og Meistaradeildinni!
Glæsilegur seinni hálfleikur hjá Torres já, sem með sama áframhaldi gæti með sanni kallast GULLKÁLFURINN í hjörð Benitez!?
Bæði lið mikið breytt frá síðustu leikjum, en buðu víst upp á fínustu skemmtun
Og nú hefur Liverpool leikið 10 leiki alls á þessu keppnistímabili og enn ekki tapað, sex sigrar og fjögur jafntefli í þremur keppnum!

Torres með þrennu í sigri Liverpool

Þoldi ekki dagsljósið, eða hvað?

"Það sem þér viljið að aðrir gjöri yður, það skulið þér og þeim gjöra"! Þannig hljómaði það nokkurn vegin minnir mig hjá Kristi og ef einhver trúheitir boðberi hans hefur séð rautt og stolið gripnum, þá er nú íllt í efni finnst mér!Nú fer engum sögum af trúhneigð listamannsins sjálfs, en mikið hefði nú erið "gaman" ef hann væri Islamstrúar, svo orð Jesú hefðu átt eða ættu fyllilega við! En eins og fram hefur komið, vilja þeir sumir "synir Múhameðs" reyndar ganga mun lengra er þeim hefur þótt guð þeirra niðurlægður og þarf ekki að fara fleiri orðum um það! Eftir stendur varðandi þetta listaverk, var ekki nóg að hafa frelsaran í hundlíki þó ekki væri verið að undirstrika kynið svona hressilega?

Skúlptúr af Kristi í hundslíki hvarf skömmu eftir afhjúpun

Ekki skal ég...

... reyna svo mjög að skemma fyrir þessari miklu ánægju og ofsakæti Eyjamanna að líkum með þetta framtak bæjarstjórans, né að SVavar bróðir hans var eitilharður víst á línunni til margra ára, en segir þetta ekki enn eina söguna svona í aðra röndina allavega hversu handboltinn á erfitt uppdráttar í bænum, sem og sumstaðar annars staðar líka!?
Fregnir af erfiðleikum Eyjamanna mitt í afreksverkum þeirra í handboltanum og þá sérstaklega í kvennaflokki, hafa allavega verið nokkuð tíðar og liðið held ég a.m.k. verið dregið úr keppni eða málum bjargað fyrir horn á síðustu stundu!
Skortur á liðsmönnum, fé, fólki til stjórnunarstarfa og fleira allt komið til, sem er þó eins og ég segi ekki ókunnugt víðar, en vegna afrekaskrár Eyjamanna, orðið meir áberandi í þeirra tilfellum.
man hreinlega ekki í augnablikinu hvort kvennalið frá ÍBV er með í ár!?

Bæjarstjórinn í Vestmannaeyjum þjálfar hjá ÍBV

Hugur fer á flakk. - Um Ross, Ríkharð og fleiri!

Skemmtileg frétt í sýnu sögulega samhengi verð ég að segja!
Til að byrja með vekur hún upp minningar um Karlinn Perot, litla Texasbúan sem bauð sig fram minnir mig um leið og hinn grískættaði Dukakis fyrir Demokratana og Bush eldri var fyrir Republikana!? Olíubarón, sem afar erfitt var að skilja minnir mig, en virkaði svolítið hressandi á annars venjubundið einvígi stóru flokkanna.
Hins vegar reikar hugurinn við þessa frétt, enn lengra aftur sem skýrskotuninni ber, aftur á slóðir Musterisriddara, Normanna og Saxa í Englandi á tímunum sem nefnd Magna Carta var gerð.
Í sögunni sígildu eftir Walter Scott um Ívar Hlújárn, kemur J'ohann þessi einmitt við sögu, reynir þá og tekst um hríð að ræna völdum af eldri bróður sínum, hinum sögufræga svarta riddara, Ríkjharði Ljónshjarta!
Það mistókst þó á endanum í það skiptið.
En skemmtileg og sígild saga,s em allir unglingar hafa gott og gaman af að lesa!
En með þessu tali um Magna Carta, mætti svo fljóta með líka, að í daglegu tali hygg ég kalla Bandaríkjamenn sýna stjórnarskrá einmitt Magna Carta!

Eintak af Magna Carta selt á uppboði í desember

Brittney Spears!

Stelputetrið Brittney Spears á víst ekki sjö dagana sæla núna eftir sína "léttklæddu" uppákomu á MTV verðlaunahátíðinni, ef ég man rétt!
Kannski ætti hún bara að þiggja þetta meinta boð sem Björk "okkar" á að hafa sent henni, skreppa til Íslands og fá afnot af íbúð hennar til hvíldar og kraftasöfnunar!? Veit annars ekkert meir en sagt var í upphafi um þetta, kannski búið að kveða þetta í kútinn sem rugl eða "ekki frétt"?
En hvað sem því líður, þá held ég að Brittney nái eitthvað að jafna sig og birtist svo bara til dæmis í jólagleðinni framundan, fjörug og frísk!?

Brittney Spears er spes,
spúsa það ég les.
Fési hún til hlés,
nú heldur fram í Des.!?

Sniðugur!

Hann hefur aldeilis baðað sig í sviðsljósinu þessi blessaði leiðtogi Írans!
Hefur svona sem "Alheims aðalskúrkur" stolið senunni á þessari alþjóðaráðstefnu Sameinuðu þjóðanna, líkt og ólíkindatólið hann Fidel Castro gerði svo skemmtilega áður!
Þessi staðhæfing hljómar annars jafn líkleg eins og að lýgin væri heldur ekki til í Íran haha, alveg þrælsmiðugt að halda þessu fram!

Ahmadinejad segir samkynhneigð ekki þekkjast í Íran