Vaxtarlag kvenna...

...hefur nokkuð verið til umræðu ekki síst vegna nýju forsetafrúarinnar í Bandaríkjunum.
Hlutföll hennar teljast já nokkuð "frjálsleg í fasi", ummmálið víst "víðáttumikið" á sumum stöðum meir en öðrum.En glæsileg þykir hún samt að flestum og klæðnaðurinn á henni ekki síður verið uppspretta umtals.
Sjálfum þykir mér svona og hefur þótt litlu skipta, finnst konur almennt upp til hópa fallegar, en ef eitthvað er þá er nú skömminni skárra að vöxturinn sé frjálslegri frekar en hitt, að hann sé eins og "tálguð spýta"!
En á hinn bógin veit ég auðvitað sem er, að slík dægurumræða og viðhorf til útlits og fegurðarímyndar, byrjaði ekki í gær og endar heldur ekki á morgun, er hvort sem manni líkar betur eða verr, nær órjúfanlegur partur af tilverunni!
En kær vinkona vor, blaðakonan frækna Hildur Helga Sigurðardóttir, á annars "sökina" á að ég er að pæla þetta núna, hún bloggaði einmitt um forsetafrúna fyrir stuttu og síðan aðeins meir um rekkjunautahjal breskrar söngkonu, fröken Allen, er ósvikin skemmtun var að lesa.
Í athugasend kom m.a. fram hjá HH, að hún líktist nú frúnni lítt í vissum efnum, þannig að ekki varð hjá því komist að skella á hana eftirfarandi!

Einkar er hrífandi Hildur,
hýra "Meyjarskinn".
Þótt ei sé á' enni gildur,
"Afturparturinn"!

Athugasemdir

[Ásthildur Cesil Þórðardóttir, 20.2.2009 kl. 10:50]

[Lilja Guðrún Þorvaldsdóttir, 20.2.2009 kl. 11:38]

Góður!

[Magnús Geir Guðmundsson, 20.2.2009 kl. 11:42]

þakka ykkur vænu víf, vænn er ég stundum LG og jafnvel góður já líka!

[arnar valgeirsson, 21.2.2009 kl. 00:14]

þessi var í betri kantinum.

en ég hlakka til að sjá úrslitin um helgina. ekki viss um að það fari vel hjá þínum, væni.

áfram KA

og Leeds

[Magnús Geir Guðmundsson, 21.2.2009 kl. 00:48]

Láttu nú ekki svona Addi minn, að vísu verða snillingarnir Alonso og Gerrard ekki með, en sigur ætti nú samt að verða mögulegur!

'afram Leeds já, en Áfram NORÐURLANDSMEISTARARNIR í ÞÓR!

Og takk fyrir hrósið karlinn minn!

[Kolbrún Stefánsdóttir, 21.2.2009 kl. 10:49]

Ahhhhahaaha þessi var aldeilis frábær. Var ég búin að nefna það að mér finnst þú snillingur . Þar að auki er umræðuefnið afar forvitnilegt og pælingar um útlit, þá kvenna væntanlega, alltaf klassískt eins og þú segir réttilega. Reyndar hefur færst í vöxt að konur séu farnar að tala frjálslega um vaxtarlag karla og það finnst mér hið besta mál.

Bestu kveðjur Kolla

[Magnús Geir Guðmundsson, 22.2.2009 kl. 00:25]

Elsku Kolla mín, takktakktakk fyrir slík lofsyrði, en stend nú varla undir því að teljast snillingur, þó út úr mér detti ein og ein smellin "brandan" sem glatt getur geð guma og sprunda sumra!

En er alveg hjartanlega sammála þér um frjálslegra og óþvingaðara tal kvenna um vöxt og útlit karla, slagsíðan á því ætti fyrir löngu að heyra sögunni til nú á tímum opinna skoðannaskipta og jafnréttis!

Annars veit ég ekki með HH, kannski varð hún ekkert hrifin að þessu strákapari mínu, veit ekki, en vona nú samt að hún hafi getað allavega sett upp vott að sínu yndislega og sposka glotti sem ég man enn frá þáttunum hennar í Sjónvarpinu!

[Hólmdís Hjartardóttir, 22.2.2009 kl. 17:16]

góður ertu Mangi minn

[Magnús Geir Guðmundsson, 23.2.2009 kl. 14:14]

Æ, mikið var þetta sætt hjá henni Lækjar-Dísu, minkar ekki beinlínis hlýhug minn til hennar!