Haustið komið!

Bloggs míns vinur, vita þú skalt,
er vörmum í hýbýlum situr.
Haustið er komið, hérna já svalt´,
ég helvíti sár er og bitur!

Haha, segi það nú kannski samt ekki alveg, en auðvitað er nokkur eftirsjá í hlýju og góðu sumri, sem ég held að sjaldan eða aldrei í seinni tíð að minnsta kosti, hafi verið jafn bróðurlega útdeilt um alla landshluta!?
Hvellurinn mikli fyrir hálfum mánuði var vissulega forsmekkur af því sem koma skildi og það líka víða um land, en þá var nú samt hlýtt og gott veður þannig séð samfara "lognsprellinu"! Hef haft hljótt um það, en það gerðist nú hér á næstu lóð sem víðar í bænum, að tré eitt sprakk hreinlega í mestu látunum, eða klofnaði nánar tiltekið í tvennt! Og.. auðvitað féll það inn í MINN garð, braut hluta girðingar, en virðist að öðru leiti ekki hafa valdið skemmdum.
En það var samt í mínum huga ekki fyrr en nú fyrir sl. helgi sem haustið bankaði fyrir alvöru á dyrnar að mér finnst, norðankul og hráslagi, sem heilsaði bæjarbúum hér við Pollinn!
Engu líkara een að vetursfjárin sé svo strax að troða sér eitthvað framfyrir haustið nú, allavega til fjalla, eins og fréttin hér ber með sér, en ég vona nú að það sé bara til skamms tíma, alveg nóg að kreppufjárin sé farin að bíta sem harðasta vetrarfrost á margra kinnum!

Víða éljagangur og hálka

Athugasemdir

[Hólmdís Hjartardóttir, 30.9.2008 kl. 21:19]

Heldurðu að það verði alkul í vetur?

[Brynja skordal, 30.9.2008 kl. 21:24]

Brrrr kuldaboli bítur

[Magnús Geir Guðmundsson, 30.9.2008 kl. 22:42]

Ænei Hólmdís mín, það held ég ekki eða ætla rétt að leyfa mér að vona að verði ekki, þú yrðir þá til dæmis ekki í tölvunni að skammast og derra þig og þá hugsun get ég núna bara ekki hugsað til enda haha!

Jamm Brynja Skagaskörungur, en þó ekki enn svo mjög og auðvelt að klæða þetta af sér, svona í alvöru talað!

[Steingrímur Helgason, 1.10.2008 kl. 00:25]

Magnúz, mér eldri Dalbæíngar spá ljúfum vetri.

Skammaztu nú til þezz að fara nú ekki að skemmileggja það með vízum !

[Magnús Geir (IP-tala skráð) 1.10.2008 kl. 01:42]

Gleður mig að heyra kæri Grímur,hef alltaf haft tröllatrú á spádómum Veðurklúbbsins í Dalbæ á DAlvík!

Dettur því fráleitt í hug að kveða frá mér spádóma þaðan elsku karlinn minn!

[Jenný Anna Baldursdóttir, 1.10.2008 kl. 09:50]

Ég er líka ógissla sár og bitur.

Í úlpunni á leið út í sígó.

Ómægoddddddddddddddd

[Magnús Geir Guðmundsson, 1.10.2008 kl. 11:01]

Ænei Jennýskottið, ekki vera það, hættir að vera eins ljúf og lokkandi þannig! Keðjureykjandi kella, hvumpin í kuldaúlpu, er nefnilega já hálfu verri en keðjureykjandi kella "bara" í kuldaúlpu!