Af hógværð og lítillæti!?

Ein af þeim hressari í "Bloggvinkvinnubúri" vóru er hún KE, sem ég þó kalla aldrei annað en fröken hjólaferð.
Hún er líka oftar en ekki glö með mig þegar ég "heimsæki hana í dyngju hennar" og segist hún nú vera mín að eilífu, ekkert minna!
Ölvaður af þeirri yfirlýsingu og öðrum fögrum orðum frá henni, setti ég svolitla sjálfslýsingu inn hjá henni, að sjálfsögðu af alkunnri hógværð og lítillæti sem Þingeyinga er jafnan háttur!? SVona nett tilbrigði við fleiri stef.

Ég er maður hjartahlýr,
heiðarlegur, góður.
Einfaldlega afbragðsskýr,
yfirburða fróður!

Athugasemdir

[Lára Hanna Einarsdóttir, 29.8.2008 kl. 11:38]

Er þetta ekki bara raunsönn lýsing á höfundi?  Mér heyrist það... 

[Ásthildur Cesil Þórðardóttir, 29.8.2008 kl. 11:45]

Tek undir með síðasta ræðumanni

[Magnús Geir Guðmundsson, 29.8.2008 kl. 14:35]

Já, elskurnar mínar báðar, gullfallegar og gáfaðar, þið eru líka í búrinu mínu góða og farið ekkert þaðan! Og ykkur langar heldur ekkert út þaðan, þó ég viti nú ekki alveg hvort ég eigi alla gullhamrana skilið.. í alvöru!?

Kærar þakkir!

[Steingrímur Helgason, 29.8.2008 kl. 20:33]

Vindrazzgat er þetta ....

[Magnús Geir Guðmundsson, 29.8.2008 kl. 22:55]

Hahaha, alltaf von á góðu úr "Grímsáttinni", en nú gefur hann mér blessaður algjört dauðafæri á að spæna hressilega á hann til baka, sem núorðið allavega nokkuð gjaldgengan Eyfirðing, þótt víðar og annars staðar liggi nú rætur garmsins!

Fræg er nefnilega til og alræmd vísa ónefnda Þingeyingsins sem kom að Eyfirðingi við vissa athöfn og varð svo að orði!

Þetta heyrist ærið oft,

er það ljótur siður.

Eyfirðingar eiga loft,

en anda því bara niður!

[Húnbogi Valsson (IP-tala skráð) 29.8.2008 kl. 23:58]

"Þá dettur mér í hug vísa" (Sem er góð og mikið notuð setning)

Sá sem nýðir okkur oft,

úti er á hálu svelli.

Því að hann er líka með loft

en leysir það með háum hvelli.

Þingeyingar geta svarað fyrir sig.

[Gulli litli, 30.8.2008 kl. 06:01]

kúl...

[Kristinn Halldór Einarsson, 30.8.2008 kl. 10:49]

Magnús Geir er  hjartahlýr,
heiðarlegur, góður.
Einfaldlega afbragðsskýr,
hógvær og fróður.

Ég er ekki frá því að þetta sé raunsannari lýsing.

[Magnús Geir Guðmundsson, 30.8.2008 kl. 16:27]

Já Gulli, kalt, ef ekki bara svalt!

Haha Húnbogi, þarna ertu með kviðling í sama anda.

Ah Kristinn,veit nú ekki í alvöru talað um hógværðina og hún passar nú ekki þarna sem þú settir hana samkvæmt bragfræðinni, svo mikið er víst, en þú færð nú plús fyrir góðan hug!

[Steingrímur Helgason, 30.8.2008 kl. 22:28]

Mínir albeztu Þingeyjíngar eru vinir...

Húnvettlíngar hinzegin eru...

[Magnús Geir Guðmundsson, 31.8.2008 kl. 01:50]

Já, þú segir það bara STeingrímur!

ER að skoða þig GG, takk fyrir!

[Jens Guð, 31.8.2008 kl. 13:44]

  Hnyttin vísa og skemmtileg umræða.

[Magnús Geir Guðmundsson, 31.8.2008 kl. 18:26]

Hehe kammerat Jens, takk fyrir hrósið um vísuna, en veit samt ekki alveg hvort ég sem slíkur er skemmtilegt umræðuefni!?