Mávurinn og Dísin!

Einn minna nýjustu bloggvina er nokkuð svo hress náungi, Hilmar, himmalingur.blog.is.
Svolítill æringi og ærslabelgur er hann og líkt og Ragnari nokkrum Reykás, gengur honum ekkert svo ílla að skipta um skoðun annars lagið!
En þessi færsla er nú reyndar ekki um hann, heldur sá ég hjá honum litla færslu þar sem hann gagnrýndi fljóð nokkurt, Ásdísi Rán, sem með sínum fagra kropp ætlar að sigra einhverja milljóndollarakeppni. Hún hefur víst verið ansi mikið milli tannana á fólki fyrir vikið, þrátt fyrir að vera að því er virðist vel gefin og lánsöm stúlka, gift og þriggja barna móðir sem rekur fyrirtæki í Svíþjóð.
Ei hafði ég áður þó vitað af þessu og kíkti því sem snöggvast inn á síðuna hjá konunni ungu. Þar beindist athyglin hins vegar strax að athugasend frá Má nokkrum Högnasyni, sem helst hefur nú hingað til getið sér frægðarorð á blogginu sem fínn vísnahöfundur.
FAnnst honum eitthvað ekki alveg eðlilegt hve hlutfall flettinga væri hátt samanborið við heimsóknartölurnar, þ.e. fjölda einkennistalanna.
Á því eru þó líkast til eðlilegar skýringar, fraukan fagra hefur verið að því mér skilst að setja inn heillandi myndir af sér í albúm, svo hinir og þessir aðdáendur sem aðrir skoða sjálfsagt aftur og aftur í einvherjum tilfellum. 1600 einkennistölur á móti 40000 flettingum þarf ekkert að vera óeðlilegt þótt líkast til sé um met á Moggablogginu að ræða.
Þá er nú líka rétt að benda á, að bakvið hverja einkennistölu geta verið fleiri en ein tölva og þar með notendur, t.d. ekki óalgegnt að heimanet sé sett upp með tveimur eða fleiri tölvum þott talan sé bara ein.
Nema hvað, að ég skrapp svo inn til Má´s líka og þá var hann með sérstaka færslu um þetta, þann grun sinn að hugsanlega væru brögð í tafli.
Skellti ég þessari dýrt kveðnu stöku á hann til gamans að þessu gefna tilefni. (hognason.blog.is)

Más ei leynist hugsjón hrein,
hún nú beinist víst að Dísu.
Fæst þó greinir félagsmein
og fátæk ein á bloggi skvísu!

"Már Högnason greinir félagsmein" er einmitt slagorð síðunnar.

Athugasemdir

[Jenný Anna Baldursdóttir, 26.5.2008 kl. 22:01]

Hahaha, einhver kallaði konuna Anne Nicole Íslands.  Mér fannst það ekki fallega gert.

Takk fyrir mig.

[Magnús Geir Guðmundsson, 26.5.2008 kl. 22:50]

Ekkert að þakka Jenný mín, ánægjan öll mín ef einhver hefur gaman af bullinu!

En svipar þeim saman Önnu og Ásdísi, málin kannski svipuð og munnurinn líka!?

Jenný og aðrir mega gjarnan leggja orð í belg um það!

[Ásthildur Cesil Þórðardóttir, 26.5.2008 kl. 23:32]

Þú ert æringi hinn mesti Magnús minn. 

[Jens Guð, 27.5.2008 kl. 00:33]

  Maggi er æringi,  eins og þú,  Ásthildur bendir á.  Það er alltaf gaman að vísunum hans.  Enda ligg ég - mér til mikillar skemmtunar - yfir vísnabók hans í hvert sinn sem ég heimsæki aldraða móðir mína á Akureyri.

[Magnús Geir Guðmundsson, 27.5.2008 kl. 13:55]

Haha, jájá, gengst glaður við að vera svoddans Æringi með stórum staf og Prakkari líka!

Einhver verður líka að halda uppi fjörinu hehe!