Hefð sem halda á í!

Bara gott mál og ekki nokkur einasta ástæða til að breyta út af vananum, þeir sem þurfa vín yfir hátiðarnar verða bara að hafa vit á að kaupa veigarnar í tíma!

Barasta breytist það eigi,
blessunarlega ég segi.
áfram ei má
áfengan fá
Sopann á sunnudegi!

Ríkið lokað á Þorláksmessu

Athugasemdir

[Sigurjón, 17.12.2007 kl. 10:02]

Sem betur fer breytizt þetta þegar einkaleyfi ÁTVR verður afnumið...

[Sigurjón, 17.12.2007 kl. 10:02]

...góð vísa annars.

[Helgi Hrafn Gunnarsson (IP-tala skráð) 17.12.2007 kl. 10:15]

Fín vísa, en trúir þú því í alvöru að það skipti nokkru einasta máli hvort ÁTVR sé opið á sunnudögum eða ekki upp á áfengisneyslu Íslendinga? Þetta er pínkupons bögg sem maður þarf bara að vita af fyrirfram. Eina leiðin til að þetta stoppi Íslendinga við að drekka einn einasta sopa af áfengi er ef þeir ætla sér að kaupa það í ríkinu á sunnudegi, og vita ekki að það sé lokað. Þetta er svona eins og að halda að það eigi eftir að stoppa morð að selja ekki hnífa í búðum á sunnudögum, bara hreint út sagt heimskulegt.

Og vel mælt, Sigurjón, ÞEGAR einkaleyfi ÁTVR verður afnumið. Það er bara spurning um tíma, vegn þess að samfélagið hefur tilhneigingu til að verða meira siðmenntað með tímanum, þvert á við það sem dómsdagstrúarmennirnir á Íslandi vilja gjarnan meina.

[Magnús Geir Guðmundsson, 17.12.2007 kl. 11:09]

´Jájá Brynja alveg rétt, eða bara sleppa þvðí!

Þakka ykkur Sigurjón og Helgi Hrafn fyrir hrósið, en þetta form kallast limra, svo því sé til skila haldið!

En hvað myndi sem betur fer breytast þegar og ef einkaréttur ÁTVR verður afnumin, Sigurjón?

Að opið yrði framvegis á Þorláksmessu þótt hana beri upp á sunnudegi?

Engin trygging er nú fyrir því.

Helgi Hrafn!

SAmanburður þinn er nú frekar ósmekklegur verð ég að segja og ekki meir um hann að segja. Ég nefndi að þetta væri góð hefð og það væri sannarlega ekki skref á framfarabraut til meiri siðmenntunar, að auka og auðvelda aðgengi að áfengi eins mikið og það er nú þegar í dag. Eiginlega bara hlægilegt að tengja hugsanlegt afnám einkasölu ÁTVR á áfengi við siðmennt þjóðfélagsins!

við Íslendingar eigum víst heimsmet í aukinni áfengisneyslu á sl. 25 árum, heil 65%!

ER virkilega mikil nauðsyn á að hafa opið á sunnudögum líka, hhvort sem það er ÁTVR eða einhver annar sem selur?

[Ásthildur Cesil Þórðardóttir, 17.12.2007 kl. 21:03]

Ég vil ekki fá áfengi í almennar verslanir.  Það er líka út af því að ég vil þegar ég ákveð að kaupa mér rauðvín, eða hvítvín, þá vil ég hafa val, ekki bara eitthvað sem selst mest af í það og það skiptið, því þannig verður það á smærri stöðum.  Það verður bara selt það sem flestir kaupa.  Og svo verður þetta einfaldlega bara áreiti á þá sem eru veikir fyrir.  Höldum áfengisverslunni sér.  Það hefur ekkert með menningu að gera. 

[Magnús Geir Guðmundsson, 17.12.2007 kl. 21:50]

Skynsamlega orðað Ásthildur góð og ályktað held ég!

Margt fleira kemur svo til og ég hef fjallað um hér hjá mér, sem hefur leitt mig gallharðan að eirri niðurstöðu, að langtum meiri hagsmunum fyrir minni yrði fórnað við sölubreytinguna og eiginlega ekkert sem réttlætir hana!