Steinun Valdís PÖNKARI!

Neinei, ætla ekkert að fara að tala um músík núna, en fyrirbærið Pönk var auðvitað annað og meira en tónlist, þótt það hafi kannski ekki skilað mikið meiru en til dæmis Hippabyltingin gerði!
En þessi tillaga fyrrum Borgarstjórans í reykjavík, sem best ætti hér að þessu tilefni bara að kallast borgarstýra, Steinunnar VAldísar Óskarsdóttur, hefur víst orði tilefni ágætrar umræðu síðustu daga svona í dagsins önn!
Mér finnst hún bara þrælgóð og er einmitt í anda pönksins hvað það varðar að brjóta upp já að mér finnst löngu úreltar hefðir og venjur!
Tillagan vel rökstudd og svei mér ef þetta er ekki hundrað sinnum merkilegra mál í sinni annars umfangssmæð, tilhlýðilegra og betra, heldur en til dæmis léttvíns og bjórsbrallið!
Konur fengu kosningarétt fyrir 100 árum, við munnumst þess nú, hvað um ögn meiri rétt eins og í þessu dæmi, að minnka hina karlegu slagsíðu og afleggja þessi gömlu starfsheiti eða finna upp ný fyrir konur!?

Vill nýtt starfsheiti fyrir ráðherra

Athugasemdir

[Svala Jónsdóttir, 23.11.2007 kl. 13:29]

Mér finnst þetta fín tillaga og það er merkilegt að sama fólkið og finnst allt í lagi að kalla konur ráðherra, gæti ekki hugsað sér að kalla karlmann ráðfrú, ráðskonu eða flugfreyju.

Sem sagt, það er fínt að konur séu nefndar "herrar", en niðurlægjandi og/eða asnalegt fyrir karlmann að vera kallaður "frú" eða kvenkenndur á annan hátt. Segir það okkur ekki eitthvað um viðhorf fólks til kynjanna, jafnvel nú á 21. öldinni?

[Magnús Geir Guðmundsson, 23.11.2007 kl. 17:11]

Sæl kæra Svala!

Ójú, það gerir það og segir eiginlega líka í hnotskurn hvernig aldagömul karlayfirgangshefð (vá, farin að læra orðasamsetninganýsmíðar af þér haha!) er enn lífseig og hvað fleiri slíkar geta einnig verið það!

Margir reyna að afgreiða þetta sem einhverja fjarstæðu já, en mér finnst eins og ég segi, bráðsnjallt að koma með þetta núna og þarft!