Bubba gengur gott til!

Sýnist á viðbrögðum sumra, að tortryggni gæti í garð míns gamla kunningja með þetta, sérstaklega hvað varðar þetta peningadæmi samhliða þættinum. En þar er hluti sjónvarpsstöðvarinnar örugglega í dæminu m.a. og ekki ástæða til að pota í framtakið þess vegna.
Svo er ég alveg sannfærður um að bubbi mælir af heilum hug varðandi tilgangin frá hans bæjardyrum, það veitir ekkert af því að efla og skerpa íslenska textagerð í poppi og rokki nýrra íslenskra tónlistarmanna!
EF þetta framtak verður í einhverju til að hreifa við því, þá finnst mér tilgangnum náð.
Auðvitað er ekki nóg að bulla bara eitthvað á ástkæra ylhýra, það held ég nú að bubbi viti líka og hafi einhverjar hugmyndir um hvernig taka megi á því.
Hins vegar verður það alltaf þannig, rétt eins og með tónlistina sjálfa, að textagerðin verður misjöfn og fellur fólki sömuleiðis misjafnlega í geð!
Bubba hefur mátt skamma fyrir ýmislegt, en ég styð hann alveg í þessu, allavega eins og hann kynnir þetta nú í upphafi!

Bubbi býður þrjár milljónir fyrir íslenskuna

Athugasemdir

[Jenný Anna Baldursdóttir, 28.9.2007 kl. 11:41]

alltaf í boltanum erhaeggibarra? Lalalalalala

[Magnús Geir Guðmundsson, 28.9.2007 kl. 14:11]

Svona svona Jenný Bomb, engin ástæða til að tralla svona mikið snemma á föstudegi! nágrannarnir gætu farið að kvarta! En ég er stundum, ekki alveg alltaf í boltanum!

[Einar Bragi Bragason., 28.9.2007 kl. 14:25]

Já ég er nú bara nokkuð sammála þér í þetta sinn

[Helga Guðrún Eiríksdóttir, 28.9.2007 kl. 15:35]

Ég á þá sennilega engan séns með þetta? http://gprime.net/flash.php/thebeersong 

[Doddi - Þorsteinn G. Jónsson (IP-tala skráð) 28.9.2007 kl. 16:25]

Ég skil ekki þessar áhyggjur af íslenskunni í textagerð. Bubbi var bestur á plötum eins og Konan, og hann má eiga hrós skilið fyrir það að syngja bara á íslensku. En ég sé enga ástæðu til að hafa áhyggjur af íslensku í textagerð tónlistarmanna í náinni framtíð. Ég leit snöggvast á Tónlistann (www.tonlist.is) og þar voru 22-23 lög af 30 vinsælustu lögunum sungin á íslensku! Hvað þarf að skerpa hér?? Vissulega eru ekki fyrir nýliðunum að fara þarna, en þetta sýnir alveg að landinn tekur á móti hvaða tungumáli sem er, svo lengi sem tónlistin er góð!

Svo finnst mér fréttin villandi: Bubbi býður þrjár milljónir ...  -- þetta er varla Bubbi beint að borga fyrir þetta. 

[Magnús Geir Guðmundsson, 28.9.2007 kl. 17:28]

Láttu ekki svona Saxi, þú ert langoftast sammála mér, en ekki Jens. Mátt ekki rugla okkur saman haha!

Ooh, Helga Guðrún mín glæsta, veit ekkert með þessa sendingu, en spurning ef þ´ðu mættir til Bubbans í "fullum skrúða"!

Ævinlega velkomin í heimsókn Doddi litli "stjúpfrændi" minn!

Laukrétt hjá þér fyrir það fyrsta, að fyrirsögnin í það minnsta er dálítið villandi, kóngurinn borgar að sjálfsögðu ekki brúsan úr eigin vasa!

En misjöfnum augum líta menn á málin, það er líka ekki spurning um magnið í þessu heldur ekki síður gæðin! Þau hafa í gegnum tíðina verið heldur rýr og einn góðan veðurdag verða engin bubbi, Megas, Hörður Torfa eða önnur syngjandi góðskáld á ferðinni lengur, einhverjir verða jú að taka við keflinu af þeim, nema menn vilji bara að þetta sé bara enska alltumliggjandi eða innihaldslaust ástarmoð á íslenskunni!?Get nú auðvitað ekki talað fyrir hönd bubba, en þykist vita að eitthvað í þessa áttina sé hann að hugsa!

Og svo þó ekki væri meira í þessari atrenu, ksapar hann greinilega umræðu, skoðanaskipti, sem er auðvitað hið allra besta mál!