Svandís og miðjan!

Síðastliðið föstudagskvöld ræddi aldni útvarpsjöfurinn Jonas Jónasson í þætti sínum Kvöldgestum, við eitt af margra mati helsta nýstirnið í íslenskum stjórnmálum, Svandísi Svavarsdóttur. (Gestssonar fv. ráðherra, formanns Alþýðubandalagsins m.m.)
Alveg ágætisspjall eins og svo oft hjá J'onasi, nema hvað eins og stundum áður hjá Svandísi og mörgum fleiri stjórnmálamönnum, sem temja sér að tala og hugsa hratt, þá varð henni aðeins á í orðaflaumnum er henni var mikið niðri fyrir um stjórnmálaumhverfið í dag. Sagði hún eitthvað á þá leið, að "henni þætti augljóst að miðjan í íslenskum stjórnmálum hefði færst til hægri"!?
Nú er ég hvorki innvígður né innmúraður í pólitíkinni, þótt ég hafi haft áhuga á henni frá blautu barnsbeini, því getur einhver merking sem ég kem ekki auga á, verið til í dæminu og fleiri tekið svona til orða?
En ég spyr mig samt, hættir miðja ekki að vera miðja ef hún færist til? Eða tja, hvernig getur miðja ef hún er miðja eiginlega færst til?
Spyr sá sem svo sannarlega ekki veit!

Athugasemdir

[Ingvar Valgeirsson, 30.7.2007 kl. 15:48]

Taktu ekki mark á þessu - þetta er enn eitt kommúnistavælið.

Held að það sem hún eigi við er að fólk, eða flestir utan VG allavega, hefur svolítið áttað sig á að endalaus ríkisafskipti og forsjárhyggja, bæði í viðskiptum sem annars staðar, kunna ekki góðri lukku að stýra.

Skrýtið hvað henni fannst samt hlutirnir ganga vel og allt vera fínt þegar hún var sjálf í borgarstjórn, en núna er allt ómögulegt...

[Svala Jónsdóttir, 30.7.2007 kl. 16:44]

He he, já, þetta er óheppilegt orðalag hjá Svandísi, sem hefur reyndar ekki verið mjög áberandi í pólitíkinni undanfarið.

En auðvitað er miðjan alltaf í miðjunni, nema hvað!

[Magnús Geir Guðmundsson, 30.7.2007 kl. 16:45]

Haha, Ingvar Eyfirðingur, naumast að þú ert farin að slá mikið á pólitísku strengina, átt nú frekar að halda þig við gítarsins glæstu!

En blessaður vertu, veit auðvitað hvað hún "syngur" bara fyndið hvernig margir í hennar röðum tala stundum hraðar en þeir hugsa, fyndið!

Heyrðu, held nú að hún hafi ekki verið í borgarstjórn áður, en var framkvæmdastjóri hjá VG í reykjavík. Fullt af liði úr öllum flokkum hrifið af henni, karlskarfurinn Ingvi Hrafn (eða var það Yngvi?) dýrkar hana til dæmis!

Og þú ert bara hress?

[Magnús Geir Guðmundsson, 30.7.2007 kl. 16:54]

Haha, elsku SVala mín, þetta var nú aldeilis aukaánægja fyrir mig, þú dast bara inn þarna á milli mín og tónlistardrengsins um leið og ég smellti á "Senda" áðan! Og ert þá bara Í MIÐJUNNI hahahahaa! Hef annars alltaf svo gaman af þegar fólk lætur svona "Snilli" út úr sér og dauðsé eiginlega eftir því að hafa ekki safnað mörgu slðíku skemmtilegu sem ég hef heyrt í gegnum árin.

[Magnús Geir Guðmundsson, 30.7.2007 kl. 16:57]

Svala!

Spurning núna hvort þú sért ekki bara orðin "Miðpunktur alheimsins!?"